К. Б. Уразов, Н. У худайбердиев, М. М. Ибрагимов, Д. К. Уразов

16.3. Аудитнинг методи ва унда қўлланиладиган усуллар

Аудит профессионал хизмат тури, махсус иқтисодий фаолият сифатида ўзининг предметини ташкил қилувчи объектларнинг макон ва замонда доимий ривожланишда акс эттиради. Шунингдек, аудит махсус фан сифатида уни предметини ташкил қилувчи объектларни, мос равишда, диалектика қонуниятларига асосан ўрганади ва тадқиқ этади. Айнан шундай ёндашиш аудитнинг фаолият ва фан сифатидаги методини ташкил этади.

Аудит методининг моҳияти унинг объектларини акс эттириш ва ўрганишда қўлланиладиган усулларнинг таснифи, тавсифи ва аҳамиятида ўзининг ёрқин аксини топади.
Аудитда қўлланиладиган усулларни уларни аудиторлик хизматларининг қайси турида қўлланилиши қараб 3 та гуруҳга ажратиш мумкин (16.4-чизмага қаранг).



Профессионал аудиторлик хизматларида қўлланиладиган усулларнинг гуруҳлари





Консалтинг
хизматларини кўрсатишда қўлланиладиган усуллар

Аутсорсинг асосида кўрсатиладиган хизматларда қўлланиладиган усуллар

Аудиторлик текширувларида қўлланиладиган усуллар


16.4-чизма. Профессионал аудиторлик хизматларида
қўлланиладиган усулларнинг гуруҳлари
Аудиторлик хизматларида қўлланиладиган усуллар гуруҳларини, ўз навбатида, қуйидаги гуруҳларга ажратиш ва улар таркибига қуйидаги усулларни киритиш мумкин (16.5-чизмага қаранг).
Аудиторлар аудиторлик текширувини ўтказишда ва аутсорсинг асосида кўрсатиладиган профессионал хизматларда бухгалтерия ҳисобида кенг қўлланиладиган барча усуллардан тўлиғича фойдаланадилар. Аудиторлик текширувларини ўтказишда ва аутсорсинг асосида хизматларни кўрсатишда бажарилган ишлар ҳажмини аниқлаш, уларга кетадиган меъёрий сарф-харажатлар, бухгалтерия ҳисоби хужжатларининг ва улардаги ёзувларнинг ҳаққонийлигини (мисол учун, имзоларнинг ҳаққонийлиги, хужжатларни кимнинг хуснихати билан тўлдирилганлиги ва шу кабиларни) аниқлаш заруриятлари туғилиши мумкин. Бундай ҳолларда аудиторлик текширувларида иқтисодий, инженерлик, техник, тиббий ва бошқа турдаги экспертиза усуллари қўлланилади.