K. B. Urazov buxgalteriya hisobi va audit o‘quv qo‘llanma toshkent «O‘qituvchi» -2004

6970 “Hisobdor shaxslarga qarz” – ushbu passiv schyotning kreditida hisobdor shaxslar oldida majburiyatlarni vujudga kelishi, debetida esa ushbu majburiyatlarning yopilishi aks ettiriladi. Hisobdor shaxslar oldidagi majburiyatlarni vujudga kelishi harajatlar schyotlarining ( 2010,2310,2510,9420 va boshqalar) debetida, ularni yopilishi esa pul mablag‘lari schyotlarining ( 5010 ) kreditida aks ettiriladi. Ushbu schyotning analitik hisobi har bir hisobdor shaxs bo‘yicha olib boriladi.

· 6990 “ Boshqa majburiyatlar” – ushbu passiv schyotning kreditida korxonaning turli boshqa kreditor bo‘lgan yuridik va jismoniy shaxslar oldidagi majburiyatlari, masalan xodimlar ish haqidan ushlangan alimentlar va boshqa to‘lovlar, turli xizmatlar uchun hisoblangan majburiyatlari, debetida esa ushbu majburiyatlarning uzilishi aks ettiriladi. Majburiyatlarning vujudga kelishi harajatlar schyotlarining (2010,2310,2510,9410,9420), shuningdek ish haqi schyotining ( 6710 ) va boshqa schyotlarning debetida, uzilishi esa pul mablag‘lari schyotlarining ( 5010,5110 va boshqalar ) kreditida hisobga olinadi. Ushbu schyotning analitik hisobi har bir kreditor bo‘yicha yuritiladi.

O‘z-o‘zini sinash uchun test savol-javoblari


1.Majburiyatlar - bu

korxonaning xususiy kapitali

korxonaning qarzlari

olinadigan schyotlar

korxonaning foydasi

2.Quyidagilarning qaysi biri to‘g‘ri

Majburiyatlar milliy valyutada boshlang‘ich qiymatda hisobga olinadi

Majburiyatlar chet el valyutasida hisobga olinadi

Majburiyatlar milliy valyutada sof qiymatda balansda aks ettiriladi

Majburiyatlar hohlagan valyutada hisobga olinadi

3.Quyidagilarning qaysi biri sotishdan olingan daromaddan olinadigan soliq majburiyatlarini ifodalaydi?

Debet 1010 Kredit 6410

Debet 4010 Kredit 6410

Debet 9010 Kredit 6410

Debet 9110 Kredit 6410

PDF created with pdfFactory trial version www.pdffactory.com

166