Juft tuyoqlilarning umumiy tavsifi, iqtisodiy ahamiyati mavzusidagi kurs ishi

1.4 Juft tuyoqlilarning vakillari, tarqalishi va ahamiyati

Juft tuyoqlilar turkumiga 250 ga yaqin tur kiradi, MDHda 22 ta turi, shu jumladan, O`zbekistonda 9 ta turi uchraydi. Ko`pchilik yovvoyi turlarining soni kamayib ketgan.Juft tuyoqlilar turkumi vakillari yer yuzida keng tarqalgan. Avstraliya va Yangi Zelandiyaga ham introduktsiya qilingan.

Kavsh qaytarmaydiganlar (Nonruminantia) kenja turkumiga cho'chqalar bilan begemotlar kiradi.

To`ng’izlar (Suidae) oilasi vakillarining tumshug‘i uzun, uchi doira shakldagi yassi va tuksiz harakatchan tog‘aydan iborat. To`ng‘izlarning tishlari 44 ta. Tanasidagi junlari siyrak, asosan dag‘al qillardan iborat. Yuqori jag‘idagi qoziq tishlari yaxshi rivojlangan, uzun, yuqoriga qayrilgan.