Joʼrayev Husniddin Oltinboyevich

Kafedrada tayyorlanayotgan ta’lim yo‘nalishlari, mutaxassisliklar va ixtisosliklar:
5140200 – “Fizika” ta’lim yo‘nalishi bo‘yicha bakalavrlar tayyorlanadi. Mazkur yo‘nalish bo‘yicha hozirda 295 nafar talaba tahsil olmoqda.
5A140202 – “Fizika (yo‘nalishlar bo‘yicha)” mutaxassisligi bo‘yicha magistrlar tayyorlanadi. Mazkur mutaxassislik bo‘yicha hozirda 9 nafar magistrant tahsil olmoqda.
05.05.04 – “Sanoat issiqlik energetikasi” ixtisosligi bo‘yicha tayanch doktorantura. Mazkur ixtisoslikda hozirda 1 nafar tadqiqotchi faoliyatini olib bormoqda.
13.00.02 – “Ta’lim va tarbiya nazariyasi va metodikasi (fizika)” ixtisosligi bo‘yicha tayanch doktorantura mavjud.
Kafedraning ilmiy-tadqiqot faoliyati
Kafedrada asosan, quyosh energiyasidan foydalanish, magnit hodisalar fizikasi hamda fizika fanini o‘qitish metodikasi yo‘nalishlarida ilmiy-tadqiqot ishlari olib borilmoqda. Kafedra ilmiy xodimlari tomonidan quyosh suv chuchitgichlari, gelioissiqxona-quritgich qurilmalarining turli konstruksiyalari yaratilib, ishlab chiqarishga tatbiq etish uchun tavsiya qilingan. Keyingi 5 yil davomida kafedra a’zolari 70 dan ortiq ilmiy maqolalarni xalqaro va respublika ilmiy jurnallarda chop etdilar. Kafedrada yaratilgan “Mini gelioquritgich-issiqxona”, “Ko‘chma quyosh suv chuchitgichi” qurilmalari “Innovatsion g‘oyalar, texnologiyalar va loyihalar” Respublika yarmarkalarida namoyish etildi va bir qator shartnomalar imzolandi. Kafedrada 10 dan ortiq iqtidorli talabalar ilmiy-tadqiqot ishlariga jalb qilingan. Keyingi 3 yil davomida talabalarning 15 dan ortiq ilmiy maqolalari ilmiy to‘plamlarda chop etildi.
Kafedra ilmiy yo‘nalishlari:
05.05.04 – “Sanoat issiqlik energetikasi”
01.04.09 – “Magnit hodisalar fizikasi”
13.00.02 – “Ta’lim va tarbiya nazariyasi va metodikasi (fizika)”
05.14.05 – “Issiqlik texnikasining nazariy asoslari”
05.14.08 – “Qayta tiklanadigan energiya turlari asosidagi energetik qurilmalar”