Жонингизга жон бўлай жонимга дармоним отам. Камтарин пиру бадавлат шавкатим шоним отам

22. Даврон тўхтамас
Булбуллар сайраган ҳаволи боғлар, {х2}
Булбул сандан кетар, фиғон тўхтамас.
Қуёшли, ёмғирли, оқ қорли тоғлар,
Туман сандан кетар, селлар тўхтамас.

Одам яратилмиш баландли, пастли,

Aқлли, фикрли, онгли ва эсли.
Йигитлик чоғинда мисли ёз фасли,
Баҳор сандан кетар, замон тўхтамас.

Йигитлик чоғинда мисли ёз фасли,

Баҳор сандан кетар, замон тўхтамас.

Келганга қарши бўлса мажолинг,

Тўғри тутайвергил нияту феълинг.
Дунё давронида очиқ тут қўлинг,
Давр сандан кетар, даврон тўхтамас.

Дунё давронида очиқ тут қўлинг,

Давр сандан кетар, даврон тўхтамас.

Бир манзилга бориб, белинг ечган сўнг,

Ўлтириб суҳбатинг охир кўчган сўнг,
Узангинг тортарлар тўрт кун кечган сўнг,
Беш кундан ортиқча-эй меҳмон тўхтамас.

Узангинг тортарлар тўрт кун кечган сўнг,

Беш кундан ортиқча-эй меҳмон тўхтамас.

Махтумқули айтар орий дўстига:

Ким қолар тушмайин ажал дастига?
Aжал бир кун тортар ернинг остига,
Оғиздан тил кетар, забон тўхтамас.

Булбуллар сайраган ҳаволи боғлар,

Булбул сандан кетар, фиғон тўхтамас.
Қуёшли, ёмғирли, оқ қорли тоғлар,
Туман сандан кетар, селлар тўхтамас.


23. Гул ичида учратдим
Гул ичида учратдим,
Мисли гулдек жамолинг,
Куйдирмагин нигорим,
Ўзи куйган бу жоним.

Гул ичида гулмисан

Ёки ширин тилмисан?
Ё гулларнинг ичида
Сайраган булбулмисан?

Гул ичида гул бўлсанг,

Булбулинг ман бўлойин,
Aгар сен булбул бўлсанг,
Боғда гулинг бўлойин.

Бери келгил эй гўзал,

Севги изҳор этайин,
Бери кел сўзи асал,
Жамолингга тўёйин.


24. Эгаси бор юрт
Очсанг давронларнинг китобларини,
Қанча карвонларнинг эртаги бордур.
Тингла доноларнинг хитобларини:
Эгаси бор юртнинг эртаси бордур.

Дунёни манзилу маконларида

Бир рўзғор бут бўлса, тўрттаси хордур.
Боққил бу диёрнинг қўрғонларига,
Эгаси бор юртнинг эртаси бордур. {х2}

Бунда ой қуёшдан чеҳралар олмиш,

Ўғил ҳам қизларнинг эркаси бордур.
Ҳар айтган сўзидан Ватан туғилган,
Эгаси бор юртнинг эртаси бордур. {х2}
Миллионлаб ўзбекнинг умидларига,
Миллион бу овозлар номус ҳам ордур.
Эгаси бор юртнинг эли халқ бўлғай,
Эгаси бор юртнинг эртаси бордур.
Қалдирғочларга бер айвонларингни,
Қушнинг ҳам бек билан бекаси бордур.
Қалдирғочларга бер айвонларингни,
Қушнинг-да бек билан бекаси бордур.
Сингилжон, экавер райҳонларингни,
Эгаси бор юртнинг эртаси бордур. {х2}
Сингилжон, экавер райҳонларингни,
Эгаси бор юртнинг эртаси бордур. {х2}