|
Ekspediciya waqtinda gu’rrin’ bergen adamlardin’ so’zlerine qarag’anda revolyuciyag’a shekemgi shayirlardin’ qosiqlari qissa kitaplar menen bir qatarda xaliq arasinda oqilip ju’rgen. Bunday qoljazba nusqalar Sovet hu’kimetinin’ da’slepki jillarina deyin ko’p adamlarda saqlang’an. A’debiy miyrasimizdin’ birli-yarimi son’g’I jillari xaliq arasinan tabilip atir. - Ekspediciya waqtinda gu’rrin’ bergen adamlardin’ so’zlerine qarag’anda revolyuciyag’a shekemgi shayirlardin’ qosiqlari qissa kitaplar menen bir qatarda xaliq arasinda oqilip ju’rgen. Bunday qoljazba nusqalar Sovet hu’kimetinin’ da’slepki jillarina deyin ko’p adamlarda saqlang’an. A’debiy miyrasimizdin’ birli-yarimi son’g’I jillari xaliq arasinan tabilip atir.
- O’teshtin’ ,, Qariz alma’’, ,,Shermende’’ eki qosig’in Ku’nxojanin’ ha’m Berdaqtin’ qosiqlari menen qatar 1960-jili Taxtako’pir rayoninin’ 2-awili ,,Ag’artiw’’ kolxozinin’ ag’zasi Da’wletiyar Qurban ulinin’ (ha’zirgi ,,Sovet Qaraqalpaqstan” ) awzinan sol S.Ma’wlenov penen Sh.Xojaniyazovlar jazip aldi.
- Bul shayirdin’ en’ da’slepki jazip alg’an qosiqlarinan bolip tabiladi.
- Bunnan basqa da shayirdin’ birqansha qosiqlari jazip alinadi. Atap aytsaq, 1960-jili shayirdin’ ,,Ko’k o’zek’’ qosig’i jazipalindi. Bul qosiqti mug’allim Turg’anbay Genjemuratov degen Taxtako’pir rayoninin’ Lenin atindag’i sovxozinda turiwshi Nawrizbaeva Gulxatshadan jazip alg’an:
- Jaylawim Jan’a suw qislawim Samay,
- U’stin’nen el ko’shti, bir adam qalmay,
- Suwin’ aship senin’ daqilin’ bolmay,
- Basin’nan da’wranin’ taydi Ko’k o’zek.
O’teshtin’ o’miri haqqinda mag’liwmatlar
Shayirdin’ o’miri boyinsha o’zi jazip qaldirg’an qol jazba yamasa sol da’wirde birew ta’repinen ko’shirip aling’an nuswabizge shekem jetip kelgen joq. O’teshtin’ o’miri haqqindag’I mag’liwmatlar a’debiy ekspediciyalar waqtinda xaliq awzinan jazip aling’an materiallar menen shayirdin’ o’z shig’armalarindag’i o’zi jo’ninde aytqan qosiq qatarlarinan belgili.
O’teshtin’ tuwilg’an ha’m qaytis bolg’an jili jo’ninde usi waqitqa shekem eki tu’rli jazilip ju’rgen mag’liwmatlardi ushiratamiz. Ma’selen, N.Da’wqaraev ,,Revolyuciyag’a shekemgi qaraqalpaq a’debiyati tariyxinin’ ocherkleri’’ atli miynetinde Moynaq rayoninin’ Qazaqda’rya awilinda jasawshi Esimbet degen g’arrinin’ / bul g’arri 1948-jilda o’lgen/ mag’liwmati tiykarg’a alinip. ,,O’tesh 1788-jili tuwilip, 1875-jilda qaytis bolg’an” dep jazilg’an. Biraq ta Esimbet g’arrinin’ Bergen mag’liwmatinin’ hesh jerde nusqasi joq. ,, O’tesh Alshinbay uli 1828-jili tuwilip, 1902-jili qaytis bolg’an’’ degen mag’liwmat haqiyqatliqqa jaqin keledi. Bug’an to’mendegidey da’liller bar:
O’teshti 1788-jili tuwilip, 1875-jili o’lgen desek onda belgili qaraqalpaq klassik shayiri Ku’nxojadan a’dewir kishi bolg’an. O’tesh o’zinin’ qosiqlarinda Ku’nxojani ustaz ha’m jasi ulli dep esaplaydi.
Ku’nxojani burin ko’rdim doslarim,
Sonda menin’ sorap edi jaslarim ,
O’ldidedi qatti menin’ baslarim,
A’rman menen Ku’nxoja o’tti du’nyadan.
Men ko’rgende buwril edi saqali,
Azapberdi Izimbettin’ Ka’mali…
Ekinshi, O’tesh Alshinbay uli qaraqalpaqpaqtin’ belgili democrat shayiri Berdaq G’arg’abay uli menen (1827-1900)
Zamanlas ta, qurdas ta ha’m jas jag’inan Qatar bolg’an. Berdaq penen O’tesh arasinda bir-eki jas g’ana pariq boliwi mu’mkin. O’tesh Berdaqtan da son’ qaytis bolg’an.
,,…At kelgende awip qaldi eslerim,
Keldi menin’ tu’nde ko’rgen tu’slerim
Berdaq penen birge qilg’an islerim
A’rman menen bul da o’tti du’nyadan
Shayirdin’ jasag’an zamani
V.G.Belinskiydin’ ,, shayirg’a mazmundi onin’ xalqinin’ turmisi beredi ” degenindey, O’tesh Alshinbay ulinin’ da barliq shig’armalari ha’m o’miri qaraqalpaq xalqinin’ XIX a’sirdegi siyasiy-ja’miyetlik ha’m ma’deniy turmisi menen tikkeley baylanisli.
XIX a’sirdegi qaraqalpaq xalqinin’ tariyxi sol da’wirge arnalip jazilg’an geypara miynetlerde, atap aytqanda S.Kamalaovtin’ ,,Qaraqalpaqlardin’ XIX a’sirdegi Xiywa xanlarina qarsi xaliq azatliq gu’resleri’’ ja’ne de ,, Qaraqalpaqlardin’ Xiywa xanlari ta’repinen jawlap aliniwi’’ degen miynetlerinde, P.Ivanovtin’ ,, Qaraqalpaq tariyxinin’ ocherkleri’’ degen miynetinde ha’m bulardan basqa da tu’rli miynetlerde ayqin sa’wlelengen.
XIX a’sirdegi socialliq klasliq du’zim bir-birine qarama-qarsi bolg’an tiukarg’I eki klastan turg’an. Olardan u’stemlik etiwshi klaslardin’ toparina biy, ataliq, begler begi, bay, murap, ju’zbasi, ka’tquda, molla, iyshan, qazi, ha’m basqa ha’meldar esaplang’an, bulardin’ ba’ri, bir awiz so’z benen, baylar dep atalg’an. Eziliwshi klaslar jarli, ashlar ha’m qara puqaralar bolg’an.
U’stem klaslardan ,, biy, ataliq ha’m begler begi bul adminstrativlik xizmettegi adamlar. Bular Xiywa xanita’repinen tastiyiqlanatug’in bolg’an. Bulardin’ ha’mmesi qaraqalpaqlardi basqarg’an. Qaraqalpaqlardin’ biyleri de xan ta’repinen bekitilgen. Biy atag’i xang’a jag’imli is ko’rsetkenlerge berilgen… Biy xaliqtan saliq jiynawdan basqa qazi menen bir qatarda sudyaliq funkciyasin atqarg’an…Biy de qazi qusag’an paraxor bolg’an. Kim parani ko’p berse ma’seleni sonin’ paydasine sheship berip otirg’an.
O’tesh Alshinbay ulinin’ do’retiwshiliginde usi XIX a’sirdegi u’stemliketiwshi klaslardin’ xarakteristikasi bilay berilgen:
,,…Murtin tawlap qirlandirip shiyirip, Xaliqti shuwlatip malin soydirip,
Anaw-minaw kelse murnin jiyirip, Suwsag’an ma’steyin qarnin toydirip,
Bilse de, bilmese de iyman u’yirip, Ashiwlansa adam ko’zin toydirip,
Awir saltanatlar qazida bolar. Meterdin’ qanati ja’llatta bolar.
Ol da qazi, iyshang’a jiberip na’zer, Qanat etpes qozi menen ilaqqa,…
Qollarin hawag’a o’lgenshe sozar, Jas qizlardi shig’artqizip qonaqqa,
A’lewmetler du’mshe molar elbuzar, ……………………………………
Du’nyanin’ sumlig’I bularda bolar. Haywanliq ataliq zalimda bolar
Tuwri juwap bermey arza etkende, Malbasina zakat bermey jiynag’an,
Ku’lip turar dim qusqini ketkende, Qoyshilardin’ haqin bermey qiynag’an
Jalbarinip ko’p jalinish etkende, Ba’rhama qastiyan elge oylag’an.
Miyrimsizlik isler patshada bolar. Insapsiz buziqliq baylarda bolar
Shuwlatip puqara sorli xaliqti,
Basip saliq ,,xan ha’miri’’ saliqti,
O’tirik qip xaliqqa jayip aniqti,
Ba’ta’detli isler beglerde bolar.
Shayirdin’ bul ,,Bolar’’ qosig’inan berilgen bul u’zindide XIX a’sirde u’stemliketiwshi klaslardin’ isleri
ku’ta’ ashiq sa’wlelengen.
Do'stlaringiz bilan baham: |
