Jizzax shahar xalq ta’limi bo`limiga qarashli e

TADBIRLAR HAQIDA


M A’ L U M O T N O M A


Jizzax shahar 8 – umumiy o`rta ta’lim maktabida “9 – may Xotira va Qadrlash kuni” umumxalq bayramiga tayyorgarlik ko`rish va uni o`tkazish yuzasidan qator ishlar amalga oshirildi.
Maktabda “9 – may Xotira va Qadrlash kuni” umumxalq bayrami munosabati bilan maktab jamoasida yig`ilish o`tkazildi. Yig`ilishda bajarilishi lozim bo`lgan ishlar kelishib olindi.
Bayram munosabati bilan obodonlashtirish va ko`kalamzorlashtirish ishlari davom ettirilib shanbalik o`tkazildi, maktab bayramona bezatildi.
Sinflar o`rtasida devoriy gazetalar chiqarildi.
“9 – may Xotira va Qadrlash kuni” umumxalq bayrami munosabati bilan mahalla fuqarolar yig`ini “Nabijon” jome masjidi imom xatibi Mirzohid Eshonqulov bilan hamkorlikda urush va mehnat faxriysi Yoqubjon bobo Hakimov xonadoniga borib maktab ma’muriyatining sovg`asi bilan qutlashdi. Yoqub bobo urush va uning oqibatlari to`g`risida so`zlab berdi. Maktab o`quvchilarining tayyorlab kelgan konsert dasturi Yoqub bobo va uning oila a’zolarida katta taassurot qoldirdi.
Maktabda front orqasida fidokorona mehnatlari bilan g`alaba onlarini yaqinlashtirishga munosib hissa qo`shgan mehnat faxriysi 91 yoshli Bunisa aya Normatova urush yillari front ortida o`zi qatori xotin – qizlar bilan og`ir dala yumushlarini bajarganliklari, urush vaqti qiyinchiliklari, ocharchilikning ayanchli oqibatlari to`g`risida so`zlab hozirgi o`quvchi yoshlarga yaratilgan qulay imkoniyatlar, to`kin – sochinlikni qadriga yetish lozimligini uqtirdi. Tadbirda Jizzax viloyat “Sog`lom avlod” jamg`armasi raisi D.Rasulova ishtirok etdi.