Jizzax davlat pedagogika universiteti 70111401 o‘zbek tili va adabiyoti mutaxassisligi 2-bosqich magistranti Zarpullayeva xadichabonu abdug‘ani qizining “o‘ktam usmonov asarlari poetikasi” magistrlik dissertatsiyasi ishi yuzasidan hisobot taqdimoti

Ilmiy amaliyot va ilmiy tadqiqot yuzasidan mart oyida quyidagi ishlarni amalga oshirdim. O`zbek tili va adabiyoti fakulteti talabalari ishtrokida fakultet xotin-qizlar qo`mitasi hamda Salimova Dilnavoz ustozlarimiz boshchiligida 1-mart- Zulfiyaxonim tavalludining 108-yilligiga bag`ishlab tadbir bo`lib o`tdi. Tadbir universitet madaniyat saroyida tashkil etilgan bo`lib, unda fakultet o`qituvchilari hamda barcha kurs talabalari va magistrlari tashrif buyurdi. Tadbirda 2-3-kurs talabalari faol ishtrok etishdi. Tadbir davomida shoiraning hayoti va ijodiga keng to`xtalib o`tildi. She’rlari qo`shiq qilib kuylandi. Asarlari sahnaga olib chiqildi. Barcha tomoshabinlarga birday yoqadigan, ko`tarinkilik ulashadigan tadbir hammaga birday manzur bo`ldi.

Ilmiy rahbarim hamda adabiyot o`qitish metodikasi kafedra mudiri M.Jo`rayev bilan birgalikda tegishli ta’lim yo`nalishlari va mutaxassisliklari me’yoriy hujjatlari, jumladan, o`quv reja va dasturlari, o`quv-uslubiy majmualar bilan tanishdim. Prof-o`qituvchilarning amaliy (seminar) va laboratoriya mashg`ulotlari ishlanmalari tayyorlanishini tashkil etib, electron qo`llanmalar va versiyalar yaratish mahoratini shakllantirdik. Amaliyot davomida barcha o`qituvchilarning darslarini kuzatib tahlil varaqasiga hamda kundalik daftarga yozib bordik. Amaliyot rahbarim, kafedra o`qituvchilari, stajor-magistrantlar bilan birgalikda “Dars tahlili” mavzusida suhbat olib bordik. Dars tahlilida asosan nimalarga e’tibor qaratilishi lozimligi haqida kafedra mudirimiz M.Jo`rayev tomonidan juda ko`p ma’lumotlarga ega bo`ldik.

• Universitet xotin-qizlar qo`mitasi tomonidan 6-mart kuni tashkil etilgan “Muqaddassan ayol” nomli tadbirda ishtrok etdik. Madaniyat saroyida tashkil etilgan bu tadbirda universitetning barcha o`qituvchilari, talaba, magistrlari ishtrok etishdi. Tadbir sho`x kuy-qo`shiq, raqslarga boy tarzda o`tdi. Tantanali tadbirda ham o`zining fidokorona mehnati, erishgan ulkan yutuqlari, davlat va jamoat ishlaridagi faol ishtroki, ibratli fazilatlari bilan hamkasblari, shogirdlari o`rtasida obro`-e’tibor qozongan mohir pedagog opa-singillarimiz alohida e’tirof etildi.