Jizzax davlat pedagogika instituti jismoniy madaniyat fakulteti

8-mavzu: Musobaqa natijalarini xisoblab kelish

REJA:
1.Musobaqa natijalarini hisoblash va qayd qilish

2. Musobaqa nizomini tuzish

3. Hakamlik qilish qoidalari

Tayanch iboralari:

Musobaqalarning ahamiyati, uni tashkil qilish, musobaqa turlari, dasturi, nizom ishlab chiqish tartibi, tayyorgarlik ko’rish, musobaqa o’tkazish, joy tanlash, gigienik talablar, hakamlik qilish, musobaqa bosqichlari, yakunlash, mukofotlash, hisobot berish.

Musobaqa natijalarini hisoblash

Mysobaqa natijalarini quyidagi tartibda hisoblash mumkin: galaba uchun — 1 ochko, mag’lubiyat uchun — O ochko. Musobaqa oxirida ochkolar soni qo’shib chiqiladi. Eng ko’p ochko tuplagan jamoa birinchi o’rinni egallaydi. Qolgan jamoalar xam yiqqan ochkolarining soniga qarab, tegishli o’rinlarni egallaydilar. Birinchi o’ringa davogar jamoalarning ochkolari soni agar teng bo’lib qolsa, u xolda shu jamoalar o’zaro qo’shimcha uchrashuv o’tkazadilar. Uchrashuvda g’alaba qilgan jamoa yuqori o’rindan joy oladi.

Agarda uch va undan ortiq jamoalarning ochkolari soni barobar bo’lib qolsa, unda uzaro uchrashuvlarning natijalari hisobga olinadi. Bu ko’rsatkich ham bir xil bo’lganda esa shu uchrashuvlarning nati­jalari xisoblab chiqiladi (yutgan va yutqazgan ochko­lar).

Musobaqalarda har bir jamoadan bir nechta jamoa qatnashgan bulsa, unda xar bir jamoalarning natijasi alohida baxolanadi. Bunday baholash stan­dart ravishda bo’lmasdan, balki har bir musobaqadan ko’zlangan maqsadga qaraladi. Masalan, o’smirlar komandalarining ishlariga ko’proq e’tibor berish lozim bo’lsa, shu jamoalar o’yinlarining natijalari yuqoriroq baholanadi.

Aylanma sistema bo’yicha o’tkazilgan musobaqalarning texnik natijalarini quyidagicha yozish mumkin.