Jizzax davlat pedagogika instituti jismoniy madaniyat fakulteti

Musobaqalar to’g’risida Nizom

Tasdiqlangan sport musobaqalarining kalendari asosida har bir musobaqa uchun alohida «Nizom» tuziladi. Kalendar musobaqalarini tayyorlash va o’tka­zish «Nizom ishlab chiqishdan boshlanadi va bu «Ni­zom» musobaqa o’tkazishda asosiy hujjat bulib hisoblanadi.

Musobaqa «Nizom» i Jismoniy tarbiya jamoaning o’quv-trenirovka va sport ishlariga katta ta’sir ko’rsatadi. «Nizom» ni oldindan aniq bilish o’quv-sport ishlarini to’g’ri rejalashtirishga yordam beradi. «Nizom» musobaqada qatnashadigan barcha tashkilotlarga ol­dindan keragicha yuboriladi.

Musobaqa o’tkazayotgan tashkilot «Nizom» tuzishda quyidagilarni ko’rsatishi lozim.

1. Musobaqaning maqsadi va vazifalari. Ular quyidagilardan iborat bo’lshi mumkin:

a) o’quv-trenirovka ishlarining yakunini tekshirish;

b) basketbolchilarning tayyorgarligini tekshirish va kuchlarni aniqlash;

v) sportchilarning sistematik ravishda trenirovka qilishga va sport mahoratlarini oshirishga bulgan qiziqishlarini oshirish;

g) basketbol uyinini omma o’rtasida keng yoyish va boshqalar.

2. Musobaqalarni o’tkazish vaqti va joyi ko’rsatiladi.

Agar musobaqalar sportchilarning doimiy turar joylarida o’tkazilmasa, u holda yetib kelish va ketish kunlari ko’rsatiladi.

3. Musobaqalar o’tkazishga rahbarlik.

Musobaqalarni o’tkazish bevosita qaysi tashkilot zimmasiga yuklanganligi va musobaqalarni ta’minlaydigan hakamlar kollegiyasini kim tasdiqlashi ko’rsatiladi.

4. Musobaqlarda qatnashuvchi tashkilotlar va sportchilar.

Qaysi tashkilotlar va jamoalar musobaqalarga quyilishi, qatnashuvchilar qanday talablarga javob berishlari lozimligi ko’rsatiladi.

5. Musobaqalarni o’tkazish tartibi (programma).

Musobaqalar qaysi sistema (aylanma, olimpiya, aralash) bo’yicha o’tkazilishi batafsil ko’rsatiladi. Qur’a tashlash vaqti, joyi va uning asosiy prinsiplari ma’lum qilinadi. Musobaqa natijalarini aniqlash tartiblari belgilanadi (ochkolar soni bir xil, durang, o’yinga kelmaslik va boshqa xollar).

6. Tashkilotlarni, jamoalarni, qatnashchilarni va trenerlarni mukofotlash.

Tashkilotlar, jamoalar, qatnashchilar va trenerlar qaysi urin uchun nima bilan mukofotlanishlari ko’rsatiladi.

7. Qatnashuvchi tashkilotlar va jamoalarni qabul qilish shartlari.

Musobaqa qatnashchilari musobaqa o’tkazish joyla­rida qaysi vaqt davomida, qaysi tashkilot xisobiga nimalar bilan ta’minlanishi ma’lum qilinadi.

8. 
   Zayavkalar.
   

Musobaqalarda qatnashish uchun dastlabki va oxirgi zayavkalarni berish tartibi, muddati hamda zarur bulgan qo’shimcha hujjatlar (pasport, klassifikasiya bileti va boshqalar) ko’rsatiladi.