Жиззах вилоят телерадиокомпаниясининг “Дугоналар” кўрсатуви учун Бошловчи1 Фарангиз Маҳмудова Бошловчи: 2 Азиза Аҳадова

Жиззах вилоят телерадиокомпаниясининг “Дугоналар” кўрсатуви учун
Бошловчи1 Фарангиз Маҳмудова
Бошловчи: 2 Азиза Аҳадова
Бошловчи: 1 Азизахон гўзаллик, янгиланиш ва яшариш байрамингиз муборак бўлсин!
Бошловчи: 2 Барчамизга бирдек бўлсин, Фарангиз. Наврўзнинг қадами қутлуғ келсин, юртимиз тинч, дастурхонлар тўкин, кексалар омон, ёшлар эса ҳамиша ғайратли бўлсин!
Бошловчи: 1 Ассалому алайкум, азиз дугонажонлар. Саломатмисиз?
Бошловчи: 2 Ассалому алайкум “Дугоналар” кўрсатувниниг доимий томошабинлари. Баҳорий кайфият улашувчи ва қизлар ютуқларидан ҳикоя қилувчи Дугоналар кўрсатувини бошлаймиз.
Шапка.
Бошловчи: 2 Баҳорнинг шоҳ таоми бу сумалак. Сиз Сумалак сўзи қандай маънони англатиши ҳақида ўйлаб кўрганмисиз?
Бошловчи: 1 Бу саволга бизда жавоб бор. «Сумалак» атамаси – «шарбат учун тайёрланган», «ундирилган арпа» маъносини англатувчи қадимги туркий сўз бўлмиш «сума» сўзидан келиб чиққан.
Бошловчи: 2 Сумалак тайёрлашда даставвал буғдой дони яхшилаб ювилади ва бир кунга совуқ сувда қолдирилади. Эртасига буғдой ясси юзага 2-2.5см қалинликда ёйиб чиқилади. Буғдой ундириладиган хона салқин ва қоронғу бўлиши керак. Буғдой ундираётган одам кунига 4 маротаба буғдойга сув қуйиб туради. Бу жараён буғдой униб чиққунига қадар давом этади. Одатда буғдой 1 ҳафтада униб чиқади. Буғдой ҳаддан ташқари ўсиб кетса сумалак тахир чиқади. Шунга алоҳида эътибор бериш керак.
Бошловчи: 1 Иштаҳамни очиб юбордингиз. Баҳор келди дегунча бувим ҳам дарров кўклардан таом тайёрлаб бошлайдилар. Маҳаллаларда ҳам сумалак сайллари бўлиб ўтяпти. Адашмасам сиз ҳам бир дугонамизнинг уйига бордингиз....
“Баҳорий таомлар” ва “Бувижонлар насиҳати”
Шапка.
Бошловчи: 1 Дугоналар кўрсатуви давом этади. Менда бир таклиф бор, бу йилда жиззахлик қизлар эришган ютуқларнинг бир нечтасини санаб ўтсам. “Зулфия” номидаги давлат мукофотига Фан ва Адабиёт йўналишида Азиза Абдуалиева ва Севара Баҳодирова сазовор бўлди.
Бошловчи: 2 Спортчи қизлар ҳам карате, бокс ва футболда биринчи. (Телефонга қараб)
Аёллар футболи бўйича мамлакат Суперкубок ўйини бўлиб ўтди. Унда 2021 йилги мавсум чемпиони ва кубоги соҳиби “Сўғдиёна-W” жамоаси вице-чемпион “Бунёдкор-W” билан куч синашди. 3.0 ҳисобида “Сўғдиёна-W” Суперкубокни ҳам қўлга кирти.
Тошкентда бўлиб ўтган Карате бўйича Ўзбекистон кубоги мусобақасида Арнасойлик қизлар 8 та медални қўлга киритди.
Бошловчи: 1 Ҳозирги лавҳамиз қаҳрамони эса номдор стипендия соҳибаси. Ким дейсизми? Танишинг.
Шапка.
Бошловчи: 2 Гулларни яхши кўришимиз рост. Фарангиз сизга бир гул ҳақидаги маълумотларни йиғиб, савол тайёрлаганман. Бу гул номи билан аталувчи қизлар исми бор, Ер юзида унинг 1400 га яқин тури бор. Май июнда гуллайди. Бу гул қадимдан эзозланиб, ҳатто сайллар ҳам ташкил этилади. Бу қайси гул? (Oʻrta Osiyoda tabiiy Qoraqum va Qizilqum choʻllaridan to Pomir-Olay hamda Tyanshan togʻlari mintaqalardagi turli iqlim va tuproq sharoitida oʻsadi.)
Бошловчи:1 Бу ҳақда бежизга гап бошламадингиз, чунки навбатдаги саҳифамизда айнан .....гулдаста тайёрлашнинг осон йўлини ўрганиб оламиз.
“Гулдаста” 2 дақиқа
Шапка.
Бошловчи: 1 Баҳорий ҳароратга бой кўрсатувимиз сизга ёқди деган умиддамиз. Бу “Дугоналар” кўрсатуви эди.
Бошловчи: 2 Кейинги эфирларга қадар ҳайрлашамиз. Энг сара саҳифалар ва иқтидорли қизларни излашда давом этамиз. Саломат бўлинг!