Jismoniy tarbiya va sport bo‘yicha mutaxassislarini qayta tayyorlash va malakasini oshirish instituti sport metrologiyasi fanidan amaliy mashg‘ulotlar

Nazorat savollari:

1. 
   Jismoniy tarbiya va sportda qanday shkalalardan foydalaniladi?
   
2. 
   Jismoniy tarbiya va sportda qanday o‘lchov standart shkalada o‘lchanadi?
   
3. 
   Standart shkalalar deb nimaga aytiladi?
   
4. 
   Qanday shkala parametrik shkala deyiladi?
   
5. 
   Qanday shkalalarni bilasiz?
   
6. 
   MJTLSh shkalasini ta’riflang.
   
7. 
   Tanlangan nuqtalar shkalasini ta’riflang.
   
8. 
   Persentilli shkalalarga ta’rif bering.
   

ASOSIY IBORA VA TUSHUNCHALAR LUG‘ATI

Anketa - respondentdan qo‘yilgan savollarga javob olish uchun mo‘ljallangan savollar varag‘i.
Testning autentliligi - testning o‘rganilayotgan xossani aniq va ishonchli o‘lchash hamda ifodalash qobiliyati.
Ranjirovka – o‘lchash natijalaridan iborat to‘plamdagi (tanlanmadagi) sonlarni o‘sib borish yoki kamayib borish tartibida joylashtirish.
Variatsiya qatori - ranjirovka qilingan o‘lchash natijalarini ikki ustundan tashkil topgan jadval: ularning biri – variantlar, ikkinchisi esa chastotalar ko‘rinishida ifodalash.
Ehtimollik - tasodifiy hodisani sodir bo‘lishining ob’ektiv imkoniyatlarini ifodalovchi son.
Bosh to‘plam - bir xil belgilar bilan birlashtirilgan eng umumiy to‘plam.
Tanlangan to‘plam (tanlanma) - bosh to‘plamning uni ifodalovchi (reprezentatsiya qiluvchi) qismi.
To‘plam - ixtiyoriy ko‘rinishdagi elementlar majmuasi.
Dispersiya - empirik ma’lumotlarning variatsiyasini ifodalovchi ko‘rsatkich.
Xossa (xususiyat) - o‘rganilayotgan hodisani xarakterlaydigan ko‘rsatkich.
Testning axborotliligi - testning qandaydir bir xossani emas, balki o‘rganilayotgan xossani o‘lchash qobiliyati.
Kvalimetriya - qiymatlarini son orqali ifoda etib bo‘lmaydigan (sifat ko‘rsatkichlari) ma’lumotlarni miqdoriy baholash uchun yaroqli bo‘lgan statistik usullar to‘plami.