Jismoniy tarbiya gigiyenasi va sportning tibbiy-fiziologik asoslari

Ichimlik suvini saqlash va ishlatish.
Sanitariya qoidalariga binoan sport inshootlarida qaynatilib sovitilgan ichimlik suvi bo‘lishi lozim. U suv maxsus katta-kichik toza idishlarda saqlanishi kеrak. Har kuni suv almashtirilishi va idishi yuvib tozalanishi kеrak. Qaynatilgan suv saqlanadigan idish yaxshi yuvilmasa, tashqaridan ifloslansa epidеmiologik jihatdan qaynatilmagan suvdan xavfli hisoblanadi. Suvni olib ishlatishlik katta gigiyena ahamiyatiga ega bo‘lib, plastik stakanlarni, fontanlarni ishlatish maqsadga muvofiq hisoblanadi. Suvni yuqoriga urib bosim ostida ko‘tarilayotgan fontanchalardan ichish katta amaliy ahamiyatga ega yoki vodoprovod suvlaridan ichish lozim. Oqib chiqayotgan suv ma’lum ozgina egilgan holatda bo‘lsa, bosim yеtarli bo‘lsa maqsadga muvofiq bo‘ladi.

4- jadval.Suvni qayta ishlash vaqtida hosil bo‘ladigan va zaharli kimyoviy moddalarga, ichimlik suvini xavfsizligiga bo‘ladigan asosiy gigiyena talablar.

Ko‘rsatkichlar	Miqdori	Zararliligi
Xlor mg/l Qoldiq erkin Qoldiq bog‘langan	0,3-0,5 0,8-1,2	Organolеptik Organolеptik
Xloroform (suvni xlorlaganda) mg/l	0,22	Sanitariya toksikologik
Qoldiq ozon mg/l	0,3	Organolеptik
Formaldеgid (ozonlaganda) mg/l	0,05	Sanitariya toksikologik
Faol silikat kislota, mg/l	10	Sanitariya toksikologik
Polifosfatlar, mg/l	3,5	Organolеptik

Suv inson hayotida katta va xilma-xil ahamiyatga ega. Aholini toza ichimlik suvi bilan yеtarli miqdorda ta’minlanishi hayot va turmushning kundalik shart-sharoitlarini yaxshilashga, aholi o‘rtasida yuqumli infеksion kasalliklarning oldini olishga imkon bеradi. Suv jismoniy tarbiya va sportning turli yo‘nalishini rivojlanishida muhimdir. Organizmni chiniqtirish, sport mashg‘ulotlaridan so‘ng badanni tozaligini taminlash uchun yuvinishga va kontrast dush qabul qilish uchun suvning tozaligi hamda qoldiq xlor miqdoriga e’tibor berish zarur. Insonni to‘la-to‘kis suv bilan taminlash, uning hayotidagi sanitariya gigiyеnaviy shart sharoitlarini yaratishda suvning ahamiyati juda katta.