Jismoniy tarbiya gigiyenasi va sportning tibbiy-fiziologik asoslari

Chiqindi changlar	KGGT moddalar	oltingugurt
CO2
Toshko‘mir	40-50	16-20	170
Benzin	-	-	850
Cho‘yan	96	1,2-3,7	1200
Pо’lat	-	2,8	400
Qoramis	2090	8800	-
Qo‘rg‘oshin	62,5-77,5	878	-

Atmosfera havosini bundan tashqari kimyoviy zavodlar ham ifloslaydi. Bularga neftni va metallni qayta ishlash zavodlari kiradi. Bunda millionlab tonna mis, temir, qo‘rg‘oshin va boshqa changlar tarqaladi. Bu changlar o‘ta zaharli va kantserogen hisoblanadi. Avtomobil transportlarining ko‘payishi kundan kunga o‘ta xavfli vaziyatlarga olib kelmoqda.

Ularning yonishidan uglerod oksidi, azot aldegidi, qo‘rg‘oshin, uglevodlar, benzopirin va boshqa zaharli kimyoviy moddalar borligi aniqlangan.
Respublikamizda aholi yashash joylarining sanitariya muhofazasiga davlat miqyosida ahamiyat beriladi. 1995- yil 14- dekabr kuni “O‘zbekiston Respublikasi hududidagi aholi yashash joylarida atmosfera havosini ifloslantiruvchi moddalarning ruxsat etilgan miqdorini (konsentratsiyasini) qo‘shimcha gigiyenik normativlari”, O‘zbekiston Respublikasi hududida aholi joylari atmosfera havosini ifloslantiruvchi moddalardan muhofaza qilishga qaratilgan “Sanoat korxonalarini loyihalashning sanitariya normalari” da ko‘zda tutilgan obyektlarni loyihalash, joylashtirish va qurishdagi ehtiyot sanitariya nazorati atrof-muhitni sog‘lomlashtirishning asosi hisoblanadi. Shaharlarda atmosfera havosining ifloslanishiga qarshi kurash bo‘yicha qator hukumat qarorlari qabul qilingan. “Atmosfera havosini muhofaza qilish to‘g‘risida” gi qonun muhim ijtimoiy va xalq xo‘jalik ahamiyatiga ega.
Atmosfera havosi ifloslanishiga qarshi kurash chora-tadbirlari shartli ravishda texnologik, rejalashtiruvchi, sanitariya-texnik guruhlarga bo‘linishi mumkin.