Jismoniy rivojlanish

ANTROPOMETRIK TEKSHIRUV USULLARI
Barcha o`lchovlar ertalab, naxor (och qorin)da amalga oshiriladi.
Bo`yni o`lchash
Yangi tug`ilgan chaqaloqlar va 2 yoshgacha bo`lgan bolalar yotgan holatda bo`ylari gorizontal rostomer yordamida o`lchanadi. Bolani yelkasiga yotqizib, uning boshini rostomerning devoriga tegizamiz. Boshni shunday fiksatsiya qilish kerakki ko`z kosasining pastki qirrasi tashqi eshitish yo`lining yuqori qirrasi bilan bitta vertikal tekislikda bo`lishi zarur. Bolaning tizzasiga astagina bosgan holatda oyog`ini tekislaymiz, rostomerning plankasini tovonga tekizamiz. Bolaning bo`yi rostomerning harakatsiz va harakatchan devori orasidagi masofaga teng.
2 yoshdan katta bo`lgan bolalar bo`yi vertikal rostomer yordamida o`lchanadi. Bolalarni rostomerga orqasi bilan joylashtiriladi, bolaning to`pig`i, dumg`aza, kuraklar orasi, ensasi rostomerga tegib turishi lozim. Boshini shunday tekislash lozimki ko`z kosasining pastki qirrasi va tashqi eshitish yo`lining yuqori qirrasi bitta gorizontal tekislikda bo`lishi kerak. Harakatlanuvchi plankani boshiga tekkizamiz (3-2 rasm).


Aylanalarni o`lchash
Bosh aylanasi santimetrli lenta bilan o`lchanadi. U qoshlar ravog`i va ensa sohasidan o`tishi zarur, lentani biroz tortiladi (3-3 rasm).
Ko`krak qafasi aylanasini o`lchash.
Ko`krak qafasi aylanasi 3 marta o`lchanadi- bola tinch holatda nafas olayotganda, nafas olish cho`qqisida va maksimal nafas chiqarayotganda. Santimetrli lentani orqa tomondan kurak qirralari sohasiga qo`llari ikki tomonga yozilgan holatda qo`yiladi, oldindan esa ko`krak uchi ustidan o`lchanadi (3-4 rasm).


Tana vaznini o`lchash
Ko`krak yoshidagi bolalarning tana vazni maxsus bolalar uchun elektron tarozida o`lchanadi. (10 kggacha tana vaznini o`lchaydigan tarozining 1 grammgacha aniqlikdagi bo`lishi tavsiya etiladi) (3-5 rasm).
Katta yoshdagi bolalarning tana vazni och qorinda 50 grammgacha aniqlikda tibbiy tarozida o`lchanadi.