Jismoniy madaniyat” kafedrasi samisi o‘quv uslubiy kengashida muhokama etilgan O‘uk raisi Mirzayev Q. J. Bayonnoma №1 avgust 2019 yil. «Boshqaruv psixologiyasi»

8-MAVZU:BOSHQARUV KOMPETENSIYALARI.
Reja:
1.Kompetensiya va kompetentlik tushunchalari.
2.Boshqaruvchining tayanch kompetensiyalari.
3.Boshqaruvchiga xos bilimdonlik darajalari.
4.Adaptatsiya jarayonini shakllantirish imkoniyatlari.
5.Rol sohasidagi adaptatsiya.


1.Kompetensiya va kompetentlik tushunchalari.
Tayanch tushunchalar:Kompetensiya va kompetentlik, strategik fikrlash, ta’sir o’tkazish, mijozga yondashuv, ishonchli bo’lish, vijdonlilik, qat’iyatlilik, o’ziga ishonch, stresslarni boshqarish, analitik fikrlash, tashkilotchilik, tashabbuskorlik, kasbiy kompetentlik, zamonaviylik, professionalkasbiy kompetensiya,boshqaruvga xos uslubiy kompetensiya, ijtimoiy-psixologik kompetensiya, autopsixologik kompetensiya,ijtimoiy-informasion kompetensiya, kommunikativ kompetensiya,kognitiv kompetensiya, maxsus kompetensiya, madaniy kompetensiya, rahbar qobiliyati.
Ilmiy izlanishlar natijasjga ko`ra ijtimoiy-psixologigk kasbiy kompetentlik ta`lim tizimini boshqaruv jarayoni uchun zarurat sifatida qaralmoqda. Bu esa o`z navbatida boshqaruvchi tomonidan alohida bilim, ko`nikma va malakalarning o`zinigina emas, balki egallanishi lozim bo`lgan har bir mustaql yo‘nalish bo‘yicha integrativ bilimlar, boshqaruvning ta`sirchan usul va vositalari, boshqaruvdagi muomila madaniyati va rahbarlik faoliyatiga doir ijodiy harakatlarning o‘zlashtirilishini nazarda tutadi.
Kompetensiya va kompetentlik tushunchalari deganda asosan zamonaviy fanda xodimlarni boshqarish nazariyasi va amaliyotini tahlil qilishda kompetensiya tushunchasiga muhim ahamiyat berilmoqda.
“Kompetentlik” – tushunchasi dastlab ta’lim sohasiga psixologik, pedagogik izlanishlar natijasida kirib kelgan tushuncha bo‘lib, zamonaviy atama sifatida qo‘llanilib kelinmoqda.
«Competentia»lotincha so’zdan olingan bo’lib, o’zbek tilidagi tarjima qilinganda unung lug’aviy ma’nosi «yaxshi biladigan inson», «tajribaga ega bo’lgan kishi» kabi ma’nolarni bildiradi. Shu sababli kompetentlik ta`lim jarayonida sodir bo`ladigan turli xil vaziyatlar, kutilmagan holatlar rahbarning o‘zini qanday tutishi, muloqotga kirishuvchanligi, qo‘l ostidagilarni ruhiy holatlarini tushuna olish qobiliyatiga ega bo‘lishi, raqobaddosh tomonlar bilan o‘zaro munosabatlarda yangi yo‘l tutishi, noaniq vazifalarda mavjud muammolar ziddiyatlarga to‘la ma’lumotlardan foydalanishda rahbar tomonidan o‘zlashtirilgan bilim, ko‘nikma va malakalarni aniq maqsadlar asosida qo‘llay olish, izchil rivojlanib boruvchi va murakkab jarayonlarda harakatlanish rejasiga egalik”ni anglatadi.