Jismoniy madaniyat” kafedrasi samisi o‘quv uslubiy kengashida muhokama etilgan O‘uk raisi Mirzayev Q. J. Bayonnoma №1 avgust 2019 yil. «Boshqaruv psixologiyasi»

Professionalizasiya – bu mehnat kishisining (psixologik, fiziologik, xulq-atvor va ishga bog’liq) xarakter xususiyatlarini ish jarayonida shakllanishi demakdir.
Psixogramma – faoliyatning psixologik jarayonlari tasnifi. P. atamasi fanga XX asr boshida nemis psixologi V.Shtern tomonidan kiritilgan. Mazmuniga ko’ra, bu metodika aniq shaxsning psixologik portretini o’rganishga yo’naltirilgan. Shuningdek, Shtern, shaxsning barcha qirralarini emas, balki faoliyatga yo’naltirilgan muhim tomonlarini qamrab oluvchi psixogrammaning qisman (boshlang’ich) tuzilishini ham taklif qiladi. Professional muvaffaqiyatini ta’minlovchi zaruriy kasbiy sifatlar (ZKS)ni umumlashtirish orqali, uning psixogrammasi tuziladi. Bu yerda gap biror kasbda faoliyat yuritayotgan shaxs xususida emas, balki malakali mutaxassis portreti namunasi haqida ketmoqda.
Psixologiya – odamning ob’yektiv borliqni sezgi, idrok, tafakkur, tuyg’u-hissiyot va boshqa psixik holatlar orqali aks ettirish jarayonini o’rganadigan fan.
Pul – hamma tovarlar va xizmatlar ayirboshlanadigan, umumiy ekvivalent bo’lmish maxsus tovar, bozor iqtisodiyotining, eng asosiy, vositasi bo’lib, u o’zida bozor iqtisodiyoti munosabatlarini gavdalantiradi va uning mahsuli ham hisoblanadi.
Pul – universal rag’batlantirish uslubi bo’lib, har qanday darajadagi malakali va ma’lumotli xodim uchun ahamiyatli omildir.
Sotsializatsiya – o’z ichiga barcha ijtimoiy jarayonlarni qamrab olgan bo’lib, ya’ni individning belgilangan nomalar va qadriyatlarni o’zlashtirishi va jamiyat a’zosi sifatida ulardan keng qamrovda foydalanishida namoyon bo’ladi.
Sotsializatsiya – bu individ tomonidan butun umr davomida o’z jamiyatiga taalluqli bo’lgan ijtimoiy rollar, odob-ahloq normalari, milliy va ma’naviy qadriyatlarning o’zlashtirilishi jarayonidir.
Sotsializatsiya – bajaradigan ijtimoiy rol mohiyatidan kelib chiqib, shaxsning ijtimoiy ustanovka va tajribani o’zlashtirish jarayoni.
Sotsializatsiya – jamiyat va boshqa kishilar bilan bo’ladigan qoniqarli aloqalar taraqqiyotida kutiladigan xulq-atvor va o’zlashtiriladigan rollarning namoyon bo’lish jarayoni.
S. – bu quvvatning ijtimoiy faollik, ehtiyojlar va bazaviy xohish-istakni amalga oshishini ta’minlash yo’nalganligini aniqlab beruvchi muhim jarayon.