Жисмоний маданият ва спорт ишларини мактабдан ташқари муассасалар орқали ташкиллаш оилада жисмоний тарбия машғулотларининг шакллари

4.2. Ўқув машқлари билан шуғулланиш

БСМ ва БЎСМ ва олимпия заҳиралари спорт мактабларига умумтаълим мактабларидан, мактаб интернатлардан, касб-ҳунар билим юртларидан, ўрта махсус ўқув юртларидан, ишчи ёшлардан, спортга қизиқувчи, қобилиятли болалар ва ўсмирлар танлаб олинади.

Кўрсатилган мактабларга спортга қизиқиши, қобилияти бор болалар ва ўсмирларни саралаб олишга алоҳида аҳамият берилади. Бунинг учун кўрсатилган мактаб мураббий-ўқитувчилари мактаблар ва бошқа ўқув юртларидаги жисмоний тарбия дарсларида, мусобақаларда қатнашадилар; белгиланган назорат меъёрлари бўйича умумий ва махсус жисмоний тарбия дарсларида, мусобақаларда қатнашадилар: белгиланган назорат меъёрлар бўйича умумий ва махсус жисмоний тайёргарликларини текшириб кўрадилар. Ўқувчилар контингенти, гуруҳлар сони ва йиллик дарс соатлари ҳисоби ҳар йили I октябргача тасдиқланиши керак. Ўқувчиларни тайёрлов шунингдек, ўқув-машқ қилиш гуруҳларига қабул қилиш уларнинг аризаси, ота-онасининг, мактаб ва бошқа ўқув юртлари раҳбарларининг розилиги билан амалга оширилади. Бундан ташқари, яшаш жойидаги поликлиника врач-педиатрининг ёзма равишдаги рухсатномаси ҳам зарур.
Юқоридаги спорт мактабларига қабул қилинадиган ўқувчилар умумий жисмоний ва махсус тайёргарлик бўйича қабул қилинган меъёрларни топширадилар. Бундан ташқари, ўқув-машқ қилиш гуруҳларига ва мукаммаллаштирилган спорт гуруҳларига ўқишга кираётганлар спортнинг ихтисослашган тури бўйича ҳам назорат текширувидан ўтадилар. Келгуси йилда ўқувчиларни гуруҳларга ўтказиш умумий жисмоний ва махсус тайёргарликдан ўтиб, белгиланган назорат-ўтиш меъёрларини бажарганларидан кейин, тиббий-биологик кўрсаткичларини ҳисобга олиб, белгиланган спорт разряди (даражаси)га кўра амалга оширилади.
Спорт мактабларида ўқув йили 1-сентябрдан бошланади.
Ўқиш ва машқлар жисмоний тарбия ва спорт қўмитаси томонидан тасдиқланган дастурлар асосида, спорт мактаблари шароитида 46 ҳафталик ўқитиш, машқ қилиш машғулотлари ва соғломлаштириш-спорт лагерларида ҳафталик машқ, машғулотлари ўтказиш ҳамда ўқувчиларнинг актив дам олиш давридаги шахсий режаларини ҳисобга олган ҳолда бажарилади.
Болалар ва ўсмирлар спорт мактаблари ва ихтисослашган олимпия заҳиралари спорт мактабларининг ўқитиш, машқ қилиш машғулотларининг асосий шакли қуйидагича: