Jinoyat protsessual huquqi modulidan 1-variant

Mazkur holatni O‘zbekiston Respublikasi Jinoyat-protsessual qonunchiligi asosida tahlil qilgan holda huquqiy baho bering.

Jinoyat protsessual huquqi modulidan
27-variant
1.O‘zbekiston Respublikasi Jinoyat-protsessual kodeksining 322-moddasida jinoyat ishini qo‘zg‘atish sabablaridan biri sifatida “shaxslarning arizalari” ko‘rsatib o‘tilgan.
Jinoyat ishini qo‘zg‘atish sabablaridan biri “shaxslarning arizalari”ga qo‘yilgan talablar, shuningdek aybini bo‘yniga olish haqidagi arzdan o‘xshash va farqli jihatlarini bayon qiling.
2.Tergovchi to‘plangan dalillarni ayblov xulosasini tuzish uchun yetarli deb topganidan keyin ayblanuvchi va himoyachiga dastlabki tergov tamomlanganligini e’lon qiladi, ularga ishdagi barcha materiallar bilan tanishib chiqishga doir huquqlarini tushuntiradi va tanishib chiqish uchun ishni taqdim etadi.
Jinoyat ishi materiallari bilan tanishtirish tartibini bayon qiling.
Kazus
Jinoyat ishlari bo‘yicha Farg‘ona viloyati, Uchqo‘rg‘on tuman sudi 2015- yilning 23- mart kuni O‘zbekiston Respublikasi Jinoyat kodeksining 169 moddasi 3 qismi “v” bandi va 127 moddasi 3 qismi bilan sudlanuvchilar R.Ortiqov va voyaga etmagan R.Tojievlarning jinoyat ishini sud muhokamasida ko‘rib boshlaydi. Sud majlisida raislik qiluvchi sudya sudlanuvchilardan advokat xizmatiga muhtoj yoki muhtoj emasliklarini so‘raganida sudlanuvchi R.Ortiqov o‘zini o‘zi himoya qila olishligini shu sababli advokat himoyasiga muxtoj emasligini bayon qiladi. Sudlanuvchi voyaga etmagan R.Tojiev raislik qiluvchi sudyaga advokat xizmatiga muxtojligini bayon qiladi. Raislik qiluvchi sudya unga davlat hisobidan advokat tayinlaydi.
2015- yilning 26- aprel kuni mazkur ish bo‘yicha navbatdagi sud muhokamasi o‘tkazilayotgan vaqtda sudlanuvchilarning manfaatlari bir birlariga qarama qarshi bo‘lib qoladi va sudlanuvchi R.Ortiqov o‘z hisobidan advokat oladi. Ishga yangi kelgan advokat sud muhokamasini boshidan boshlash to‘g‘risida raislik etuvchiga ariza taqdim etadi.