Jinoyat protsessual huquqi modulidan 1-variant

Mazkur holatni O‘zbekiston Respublikasi Jinoyat-protsessual qonunchiligi asosida tahlil qilgan holda huquqiy baho bering.


Jinoyat protsessual huquqi modulidan
18-variant
1.Qo‘shimcha so‘roq o‘tkazish asoslarini tahlil qiling. Sizningcha qo‘shimcha so‘roq qilish uchun yana qanday asoslarni jinoyat protsessual qonunchiligiga kiritish mumkin. Fikringizni amaliy jihatdan asoslab bering.
2.Ushlab turish bayonnomasini tuzish va ushlab turishning asosliligini tekshirish jinoyat protsessual qonunchiligiga ko‘ra bayon qiling.
Kazus
2015-yil 23-fevral kuni soat 7:00 larda YAshnobod tumani IIBga fuqaro D.Amirova tomonidan JKning 164-moddasiga doir jinoyat sodir etilganligi haqidagi ma’lumotni aks ettirilgan ariza kelib tushdi. Yashnobod tumani IIB tergovchisi Olimov 2015-yil 23-fevral soat 8:00 larda fuqaro D.Amirovaning arizasini tekshirish maqsadida JPKning 132-moddasida belgilangan “ko‘rsatuvlarni hodisa sodir bo‘lgan joyda tekshirish” tergov harakatini YAshnobod tumani “Olmazor” ko‘chasida o‘tkazadi.
Tergov harakati natijasida O‘zbekiston Respublikasi JK 164-moddasida nazarda tutilgan jinoyat sodir etilganligini isbotlovchi jinoyat izlari aniqlandi va bu izlar natijasida tergovchi tomonidan holatga nisbatan jinoyat ishi qo‘zg‘atilib, gumonlanuvchi sifatida fuqaro B.ni jalb etish to‘g‘risida qaror qabul qildi. Ishni sudda ko‘rish davomida sudlanuvchining advokati Yashnobod tumani IIB tergovchisi Olimov tomonidan tergov harakatlari xato o‘tkazilganligini vaj qilib ko‘rsatib, ishni qayta tergovga yuborishni so‘radi.
Mazkur holatga Jinoyat-protsessual qonunchiligiga asoslangan holda huquqiy baho bering.


Jinoyat protsessual huquqi modulidan
19-variant
1.Gumon qilinuvchini va ayblanuvchini so‘roq qilish tartibini bayon qiling. Gumon qilinuvchi va ayblanuvchini so‘roq qilish jarayonida ularning huquq va manfaatlari himoyasini yanada oshirish uchun qanday takliflarni bera olasiz.
2.Ehtiyot choralari qo‘llanilishining maqsad va asoslarini bayon qiling. Sizningcha jinoyat protsessual qonunchiligiga yana qanday ehtiyot choralarini kiritish mumkin.
Kazus
Yakkasaroy tuman tergovchisi Salimov JKning 169-moddasiga binoan qo‘zg‘atilgan jinoyat ishi yuzasidan, jabrlanuvchi 17 yoshli voyaga etmagan fuqaro Obidovning ko‘rsatmasiga asosan JPKning 132-134-moddalari asosida “ko‘rsatuvlarni hodisa sodir bo‘lgan joyda tekshirish” tergov harakati o‘tkazilishi lozim degan xulosaga keldi.
Tergov harakatlari jinoyat sodir etilgan joyda ya’ni jabrlanuvchi Obidovning uyida o‘tkazilishi natijasida tergovchi Salimovda jabrlanuvchi Obidovning ko‘rsatmasiga nisbatan ishonchsizlik fikri paydo bo‘ldi. Chunki jinoyat sodir etilayotganda ayblanuvchi Xalilovning o‘ng qo‘li gipslanganligi va u shunday holatda 3 metrli baland devordan oshib tusha olmasligi mumkinligi haqida gumoni bor edi.Mazkur holatga Jinoyat-protsessual qonunchiligiga asoslangan holda huquqiy baho bering.