Jinoyat oraliq 1

 
59. 
Jazoni ijro etish muddatlari o‘tib ketganligi munosabati bilan jazodan ozod 
qilishning asoslarini yoriting 
Shaxsda hukm chiqarilganidan keyin o‘z harakatlarining ahamiyatini anglay 
olmaydigan va boshqara olmaydigan tarzda ruhiy holatining buzilishi yuzaga kelsa, 
shuningdek jazoni o‘tashga to‘sqinlik qiladigan boshqa og‘ir kasallikka chalinib qolsa, jazoni 
o‘tashdan ozod qilinishi lozim. Ushbu qoida bo‘yicha shaxsni jazodan ozod qilish asosi:
- shaxs jinoyat sodir etganlikda aybdor deb topish to‘g‘risidagi sud hukmining qonuniy kuchga 
kirganligi;
- shaxsda o‘z harakatlarining ahamiyatini anglay olmaydigan va boshqara olmaydigan tarzda 
ruhiy holatining buzilishi yuzaga kelganligi;
- jazoni o‘tashga to‘sqinlik qiladigan boshqacha og‘ir kasallikka chalinib qolganligi. 
Ushbu asoslar bo‘yicha jazodan ozod qilingan shaxsga - sud tibbiy yo‘sindagi majburlov 
choralarini qo‘llashi mumkin. Bunday shaxslar tuzalganlaridan keyin esa – sodir etgan 
jinoyatlari uchun tayinlangan jazo turining ijro etish muddatlari o‘tib ketmagan bo‘lsa, 
jazoning to‘liq yoki o‘talmay qolgan qismi ijro etiladi. Ushbu holatda jazoni ijro etish 
muddatlari jazoning o‘talmay qolgan qismidan emas, balki sud hukmi bilan tayinlangan 
jazoning butun muddatidan kelib chiqib hisoblanadi va jazoni ijro etish muddatlari tibbiy 
yo‘sindagi majburlov choralari qo‘llanilgan kundan boshlab hisoblanadi.
Intizomiy qismga jo‘natish yoxud xizmat bo‘yicha cheklash jazosiga hukm qilingan 
harbiy xizmatchilar, ularning sog‘lig‘i harbiy xizmat uchun yaroqsiz deb topilgan bo‘lsa:
- ular jazoni o‘tashdan ozod qilinadilar;
- harbiy xizmatdan ham ozod qilinadilar. Xizmat bo‘yicha cheklash jazosiga hukm qilingan 
harbiy xizmatchi ayollarga esa - ular homiladorlik va tug‘ish ta’tili berilishi munosabati bilan 
ham jazoni o‘tashdan ozod qilinishlari mumkin.
Majburiy jamoat ishlariga yoki axloq tuzatish ishlariga hukm qilingan shaxslar jazoni 
o‘tash vaqtida: 
- mehnatga yaroqsiz bo‘lib qolsalar;
- yohud pensiya yoshiga yetgan bo‘lsalar;
- shuningdek ayollar bu turdagi jazoni o‘tayotgan vaqtda homiladorlik va tug‘ish ta’tiliga 
chiqsalar, jazoni o‘tashdan ozod qilinadilar