Ájiniyaz atındaǵı Nókis mámleketlik pedagogikalıq institutı

Á jiniyaz atındaǵı Nókis mámleketlik pedagogikalıq institutı
Dene tárbiya kafedrası úlken oqıtıwshısı
Djumanov Arzubay Uzaqbergenovich haqqında

MAǴLÍWMATNAMA
Djumanov Arzubay Uzaqbergenovich 1965-jili 20-may kuni Qaraqalpaqstan Republikası Xojeli rayonında tuwılǵan. Milleti- qaraqalpaq. Maǵlıwmatı joqarı.Ulıwma is stajı- 40 jıl.
Qaraqalpaq mámleketlik universiteti Dene tarbiya fakultetin 1988-jılı tabıslı tamamlap, Taxiatas qalası 7-sanlı mektebinde dene tarbiyası muǵallimi bolıp islegen.
1989-jıldan baslap Qaraqalpaq mamleketlik universiteti dene tárbiya panleri kafedrasında assistent oqıtıwshı lawazımında jumıs basladı. Usı waqıttan baslap Dene tárbiya fakultetinde Jeńil atletika páninen talabalarǵa sabaq berdi. Jeńil atletika sport túriniń rawajlanıwında ham sportshı jaslardı tayarlawda ustazlıq etip shólkemlestiriw jumısların alıp bardı.
1990-jıldan baslap Ájiniyaz atındaǵı Nókis mamleketlik pedagogikaliq institutı Dene tarbiyası kafedrasında jumısın dawam etti. Jumıs islew dáwirinde Djumanov Arzubay kafedra baslıǵı , Qaraqalpaqstan Respublikası Jeńil atletika bas treneri ham Ájiniyaz atindagi Nokis mámleketlik pedagogikalıq institutında Jeńil atletika sport túri boyınsha jumıs alıp barmaqta. Jumıs islew dáwirinde Djumanov Arzubaydıń shákirtleri Qaraqalpaqstan hám Ózbekstan Respublikası jarıslarında bayraqlı orınlardı jeńip almaqta. Universiada jarıslarında shákirtleri Ózbekstan Respublikası kóleminde sıylı orınlardı jeńip aldı.
A.Djumanov respublika kóleminde ótkerilip atırǵan ilimiy- ámeliy konferenciyalarda óz bayanatları menen qatnaspaqta hám ilimiy maqalaları, sabaqlıq ham oqıw qollanbaları turaqlı túrde baspada járiyalanbaqta. A.Djumanov ilimiy- izertlew jumısların jaqsı jolǵa qoyǵanlıǵı sebepli úlken nátiyjelerge erisip kelmekte. Atap aytqanda , onıń 20 dan aslam tezisleri, 2 ilmiy maqalası, 3 oqıw qollanbası, 2 metodikalıq qollanbası jarıq kórdi.
Maǵlıwmatnama Ózbekstan Respublikası joqarı hám orta arnawlı bilimlendiriw ministrligi janındaǵı joqarı tálimdi rawajlandırıw, izertlew hám aldıńǵı texnologiyalardı engiziw orayına usınıladı.


Ájiniyaz atındaǵı Nókis mámleketlik
pedagogikalıq institutı rektorı: B.P. Otemuratov