Ўйин қоидалари 2019/20 Ўзбекистон футбол ассоциациясининг расмий таржимаси The International Football Association Board

 
Жарима майдонидаги қоидабузарликлар
 
Ҳакамнинг
эътиборидан ташқарида ҳимоячи томонидан жарима майдони ичида ҳимоячи томонидан 
қоидабузарлик
содир этилганганида, айниқса, бу ёрдамчи ҳакам ёнида рўй берганида, у ҳакамнинг 
қаерда экани ва унинг қандай чора қўллаётганини кўриш мақсадида дастлаб ҳакам билан визуал 
контакт ўрнатиши керак. Агар ҳакам ҳеч қандай чор қўлламаётган бўлса, ёрдамчи ҳакам байроғи 
билан ишора бериши, электрон бип
-
сигналдан фойдаланиши ва шундан сўнг ён чизиқ бўйлаб 
бурчакдаги байроқ томон яққол ҳаракат қилиши керак.
Жарима майдони ташқарисидаги қоидабузарликлар
 
Қоидабузарлик
жарима майдони ташқарисида содир этилганида (жарима майдони чизиғига яқин), 
ёрдамчи ҳакам ҳакам қаерда экани ва унинг қандай чора қўллаётганини кўриш мақсадида дастлаб 
ҳакам билан визуал контакт ўрнатиши ва бунга зарурат бўлса байроғи билан ишора бериши керак. 
Қарши ҳужум уюштирилса, ёрдамчи ҳакам маълумот беришга тайёр бўлиши керак: қоидабузарлик 
бўлдими ёки йўқми, воқеа қаерда (жарима майдони ичида ёки унинг ташқарисида) рўй берган, 
шунингдек, қандай интизомий чоралар қўллаш лозим. 
Ёрдамчи ҳакам
қоидабузарлик жарима майдони ташқарисида рўй берганини билдириш мақсадида 
ён чизиқ бўйлаб марказий чизиқ томон яққол ҳаракат қилиши керак. 
«Гол/гол
 
эмас»
 
вазияти
Тўп яққол дарвозага кирганида (дарвоза чизиғини тўлиқ кесиб ўтганида), ёрдамчи ҳакам ҳеч қандай 
қўшимча ишоралар бермасдан ҳакам билан визуал контакт ўрнатиши керак.
Гол урилган бўлсаю, аммо тўп дарвоза чизиғини кесиб ўтгани яққол кўринмаган бўлса, ёрдамчи 
ҳакам ҳакамнинг эътиборини жалб қилиш учун дастлаб байроғини кўтариши, сўнгра голни 
тасдиқлаши керак.
Офсайд
 
Офсайдни аниқлаш учун ёрдамчи ҳакамнинг биринчи ҳаракати —
байроқни кўтариш (ўнг қўл билан, 
бу ёрдамчи ҳакамга энг яхши кўриш имконини беради), шундан сўнг эса, агар ҳакам ўйинни 
тўхтатган бўлса, майдоннинг қоидабузарлик содир этилган қисмини кўрсатиш мақсадида 
байроқдан фойдаланиш. Агар ҳакам байроқни дарҳол пайқамаган бўлса, ҳакам унга аҳамият 

---

бермагунча ёки тўп ҳимояланувчи жамоа назоратига яққол ўтмагунча ёрдамчи ҳакам байроқни 
кўтарган ҳолда ушлаб туриши керак.