Йиллар учун ж а м о а ш а р т н о м а с и

2.4. Ходимлар:

1. 
   ўз меҳнат вазифаларини ҳалол ва оғишмай бажариш, меҳнат интизомига риоя қилиш, Иш берувчининг қонуний фармойишлари ва буйруқларини ўз вақтида ва сифатли ижро этиш;
   
2. 
   ички меҳнат тартиби қоидаларига, ўрнатилган меҳнат режимига ва меҳнат интизомига риоя қилиш;
   
3. 
   ҳар йили Ўзбекистон Республикаси Президентининг тегишли ҳужжатига ёки Ўзбекистон Республикаси Вазирлар Маҳкамасининг қарорига биноан Наврўз ва Мустақиллик байрамлари арафасида ўтказиладиган мақсадли умумхалқ хайрия ҳашарларида иштирок этиш мажбуриятларини ўз зиммасига оладилар.
   

3. 
   MEҲHAT ШАРТНОМАСИ. БАНДЛИК КАФОЛАТЛАРИ
   

3.1. Ходим ва Иш берувчи ўртасидаги меҳнат муносабатлари меҳнат тўғрисидаги қонунлар ва бошқа норматив ҳужжатлар (шу жумладан Бош келишув, тармоқ келишувлари, ҳудудий (минтақавий) келишувлар) ва мазкур Шартнома қоидаларига биноан ёзма равишда тузилган меҳнат шартномаси билан тартибга солинади. Ишга қабул қилинган шахслар касаба уюшмаси қўмитасида таништирув суҳбатидан ўтказилади.
3.2. Ишга қабул қилиш шунингдек:
а) меҳнат тўғрисидаги қонунлар ва бошқа норматив ҳужжатларга асосан лавозимларга ишга қабул қилиш танлов асосида амалга ошириладиган ишларга танлов асосида (Танлов тўғрисидаги Низом танлов комиссияси таркибига касаба уюшма қўмитаси вакилларини киритилган холда Касаба уюшмаси қўмитаси билан келишиб тасдиқланади);
б) маҳаллий меҳнат органлари ва бошқа органлар томонидан юбориладиган шахсларни қонун ҳужжатларида белгиланган тартибда квота иш ўринларига ишга жойлаштириш орқали амалга оширилиши мумкин.(Ўз.Р. ВМ нинг 2017 йил 5-декабрдаги “Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартибини янада такомиллаштириш чора-тадбирлари тўғрисида 965-сонли қарорининг 1-иловасида белгиланган тартибда)