Йиллар учун ж а м о а ш а р т н о м а с и

8.7. Иш берувчи Ўз.Рес.ВМнинг 2008 йил 12 ноябрдаги 245-сонли қарори билан тасдиқланган “Корхоналар, ташкилотлар ва муассасаларда меҳнатни муҳофаза қилиш жамғармасини ташкил этиш ва унинг маблағларидан фойдаланиш тартиби тўғрисидаги Низом”га биноан Меҳнатни муҳофаза қилиш фондини барпо этади ва уни ходимларнинг меҳнат шароитлари ва меҳнатни муҳофаза қилиш ишларини яхшилаш, санитария-соғломлаштириш чора-дбирларини молиялаштиришга сарфлайди.
8.8. МКнинг 214-моддаси асосида ССВнинг 2012 йил 10 июлдаги 200-сонли буйруғи билан белгиланган тартибда меҳнат шароити ноқулай ишлар бажарилаётганида даслабки ва вақти-вақти билан тиббий кўрикдан ўтказилиш шарт бўлган ходимлар рўйҳатини тартибнинг 4 иловаси шаклида ишлаб чиқади ҳамда тиббий кўрикдан ўтишда ходимлар чиқимдор бўлмаслигини таъминлайди.(10-илова)
8.8. Хар беш йилда камида бир марта Иш ўринларини меҳнат шароитлари ва асбоб-ускуналарнинг жароҳатлаш хавфлилиги юзасидан аттестациядан ўтказиш тартиби тўғрисидаги низом (Ўз.Рес.ВМнинг 2014 йил 15 сентябрдаги 263-сонли қарори) асосида иш ўринларини меҳнат шароитлари ва асбоб-ускуналарнинг жароҳатлаш хавфлилиги юзасидан шаҳодат (аттестация)дан ўтказади.
8.9. ССВ томонидан Тармоқ касаба уюшмаси Республика Кенгаши билан келишиб тасдиқланган “Ўзбекистон Республикаси Соғлиқни сақлаш вазирлиги тасарруфидаги муассасаларда меҳнатни муҳофаза қилиш ва ёнғин ҳавфсизлиги бўйича ишларни ташкил этиш тўғрисидаги Низоми”га (ССВнинг 2014 йил 25 августдаги 304-сонли қарори) асосан муассасада касаба уюшма қўмитаси билан келишиб тасдиқланган ўз низомлари асосида меҳнатни муҳофаза қилиш ишларини таъминлайдилар.
8.10.Ходимларни ишлаб чиқаришдаги бахтсиз ходисалар ва касб касалликларидан Ўз.Рес.ВМнинг 2009 йил 24 июндаги 177-сонли қарори билан тасдиқланган “Иш берувчининг фуқаролик жавобгарлигини мажбурий суғурта қилиш қоидалари” талабларига мувофиқ ҳолда суғурта қилади.
8.11. Техника хавфсизлиги хоналари учун оргтехника воситалари, меҳнат муҳофазаси бурчаклари ва меҳнатни муҳофаза қилиш бўйича ўқитиш учун зарур бўлган техник воситалар, ўқув ва кўргазмали қуроллар, тарғибот-ташвиқот воситалари, плакатлар ва бошқа анжомларни сотиб олади ва уларнинг доимий сақланишини таъминлайди.
8.12. Меҳнат хавфсизлиги стандартларига қатъий ва аниқ амал қилиш устидан назоратни олиб бориш корхонанинг меҳнат муҳофазаси хизмати ёки раҳбарлардан бирининг зиммасига юклатилади.
8.13. Ўтган йилда ишлаб чиқаришдаги шикастланиш ва касб касалликлари холатларини ҳар йилнинг биринчи февралигача тахлил қилиб чиқилади, меҳнат муҳофазасини яхшилаш режаси ва санитария-соғломлаштириш тадбирларининг бажарилишини таъминлайди.