Йиллар учун ж а м о а ш а р т н о м а с и

V. MEҲHATГA ҲАҚ ТЎЛАШ. КАФОЛАТЛИ ТЎЛОВЛАР ВА КОМПЕНСАЦИЯ ТЎЛОВЛАРИ


5.1. МКнинг 9-боби талабларига риоя қилинишини, ходимларга Меҳнатга ҳақ тўлаш ягона таъриф сеткасининг 1-разряд ставкасидан кам бўлмаган миқдорда ҳақ тўланиши таъминланади.
Меҳнат ҳақининг миқдори ҳар бир ходим учун штатлар жадвали асосида белгиланади ва Ўз.Рес.ВМнинг 21.12.2005 йил «Тиббиёт ходимларининг меҳнатига ҳақ тўлашни такомиллаштириш» тўғрисидаги 276-сонли қарори билан тасдиқланган “Ўзбекистон Республикаси давлат муассасалари тиббиёт ва фармацевтика ходимлари меҳнатига ҳақ тўлаш тартиби ва шартлари тўғрисида” ги Низомга асосан касаба уюшма қўмитаси билан келишилган холда ишлаб чиқиладиган муассасанинг низоми бўйича ҳисоблаб чиқилади ва тўланиши кафолатланади (2-илова).
Муассасада меҳнат қилаётган нотиббий ходимларнинг меҳнатига ҳақ тўлаш Ўзбекистон Республикаси Вазирлар Маҳкамасининг 2019 йил 6 сентябрдаги 743-сонли қарори 4-иловаси билан тасдиқланган “Ўзбекистон Республикаси Давлат бюджети маблағлари ҳисобига сақланадиган ташкилотларда банд бўлган хизматчиларнинг кенг тарқалган лавозимлари ходимлари айрим тоифалари меҳнатига ҳақ тўлаш бўйича разрядлар”га мувофиқ амалга оширилади.
Коронавирус инфекцияси тарқалишига қарши курашиш даврида санитария-эпидемиология хизмати тиббиёт ходимларига тўланадиган устамалар ва тариф коэффициентлари Ўзбекистон Республикаси Президентининг 2020 йил 24 апрелдаги “Коронавирус пандемияси даврида санитария-эпидемиология хизмати ходимларини янада рағбатлантириш чора-тадбирлари тўғрисида” ги ПҚ-4695-сон Қарорига мувофиқ амалга оширилади.
Шунингдек, Ўзбекистон Республикаси Президентининг 2020 йил 25 июлдаги “Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида” ги ПҚ-6035-сон Фармонига кўра амалга оширилади.
Ўзбекистон Республикаси ҳудудида коронавирус инфекциясига қарши курашиш даврида тиббиёт ходимлари зиммасига тушган юқори иш юкламасини юмшатиш ҳамда маблағлардан самарали ва оқилона фойдаланишни таъминлаш мақсадида Ўзбекистон Республикаси Вазирлар Маҳкамасининг 2020 йил 04 августдаги 461-сон ва 2020 йил 24 сентябрадаги 583-сон қарорларига асосан махсус рағбатлантириш тўловлари тўланади.
5.2. Иш берувчи ўзининг молиявий ҳолатидан қатъи назар, ходимга иш ҳақини белгиланган меҳнат иш ҳақи шартларига мувофиқ МКнинг 161-моддасида кўрсатилган муддатларда, ҳар ярим ойда бир марта тўлайди. Бўнак (аванс) – жорий ойнинг 15 санасида, маош-кейинги ойнинг 5 санасида.
Ҳақ тўланадиган кун дам олиш куни ёки байрам кунига тўғри келиб қолса, меҳнат ҳақи шу кун арафасида тўланади. Ҳар бир ходим тегишли даврда унга тўланадиган иш ҳақининг таркибий қисмлари, ушлаб қолинган пул миқдорлари ва унинг асослари, шунингдек тўланадиган умумий пул суммаси тўғрисида ёзма шаклда хабардор қилинади.
5.3. Ходимнинг ёзма аризасига асосан иш ҳақининг бир қисми пластик карточкага ўтказилиши мумкин ўтказма миқдори тўланадиган сумманинг 50 фоизидан ошмаслигини таъминлайди.