Jazǵı dem alıs qaǵıydaları

Xojeli rayonlıq XBB ne qaraslı 33-sanlı ulıwma bilim beriw mektebinde “Jazǵı dem alıs qaǵıydaları” haqqında 4 - b –klass oqıwshılarına ótkerilgen jıynalısı

Bayannaması
Qatnasqanlar 4 - b-klass oqıwshıları qatnastı.
Kún tártibinde qaralǵan máseleler:
1. Oqıwshılar jazǵı dem alıs kunleri bos waqtın mazmunlı ótkeriw haqqında. 2. Oqıwshılar jazǵı dem alıs kunleri qáwipsizlik qaǵıydalarına ámel qılıwı haqqında.
TÍŃLANDÍ
Jıynalıstı klass basshısı Otexanova Zulfiya ashtı hám alıp bardı. Oqıwshılarǵa jıynalısta qaralatuǵın máseleler menen tanıstırıp ótti. Birinshi másele: Klass basshısı Otexanova Zulfiya mektep oqıwshıları ushın jazǵı dem alıs kúnleri bos waqıtların mazmunlı ótkeriw maqsetinde jazǵı dem alıs orayları,balalar lagerleri shólkemlestiriliwi, Mektebimizde pán dógerekleri hám sport dógerekleri shólkemlestiriliwi haqqında keń túrde túsinik berildi. Hár kim ózleri qızıqqan dógereklerge qatnasıwı, kitapǵanadan qızıqlı kitaplar alıp oqıwı ushın sharayıtlar jaratılıwı haqqında aytıp ótti.
Ekinshi másele boyısha: Klass basshısı Otexanova Zulfiya óz sózinde oqıwshılarǵa jazǵı dem alıs kúnleri jap-salmalarda hám kanallarda shomılmawǵa, bayram kúnleri ata-anańız ruxsatısız, qadaǵalawısız bayram seyiline barmawǵa, biymezgil saat 21-00 den soń kóshelerde júrmewge, huquqbuzarlıq hám jınayatshılıq islemewge, kompyuter oyınlarına barmawǵa, asfalt jollarda velosiped aydamawǵa taǵı basqada otırıspaqlar shólkemlestirlmewi haqqında túsinikler berildi hám bul tártipke tolıq ámel etiliwi boyınsha oqıwshılardıń kepillik xatların beriwı haqqında aytıp ótti.
Jıynalısı sońında tómendegishe qarar qabıl etildi.
Qarar:
1. Jazǵı dem alıs kunleri bos waqtın mazmunlı ótkerilsin.
2. Jazǵı dem alıs kunleri qáwipsizlik qaǵıydalarına ámel etilsin.
Klass basshısı: Otexanova Zulfiya.

Xojeli rayonlıq 33-sanlı ulıwma bilim

berıw mektebi direktorı M Alawovqa

Kepillik xatı

Beriledi usı kepillik xatı 4 - b - klass oqıwshıları tárepinen. Sebebi biz oqıwshılarǵa klass basshımız tárepinen jazǵı dem alıs kúnleri jap-salmalarda hám kanallarda shomılmawǵa, bayram kúnleri ata-anamız ruxsatısız, qadaǵalawısız bayram seyiline barmawǵa, biymezgil saat 21-00 den soń kóshelerde júrmewge, huquqbuzarlıq hám jınayatshılıq etpewge, kompyuter oyınlarına barmawǵa, asfalt jollarda velosiped aydamawǵa taǵı basqada otırıspaqlar shólkemlestirmew haqqında túsinikler berildi bul tártipke tolıq ámel qılamız dep kepillik beremiz.

№