Жавоблар ўзбекистон тарихининг фан сифатидаги ўрни

Prezidentimiz I.A.Karimovning “Ona yurtimiz baxtu iqboli va buyuk kelajagi yo’lida xizmat qilish - eng oliy saodatdir” nomli asarining mazmun-mohiyati O’zbekiston Respublikasi Prezidenti Islom Karimovning “Ona yurtimiz baxtu iqboli va buyuk kelajagi yo’lida xizmat qilish – eng oliy saodatdir” deb nomlangan yangi kitobi 2015 yil avgust oyida Vatanimiz mustaqilligining 24 yillik bayrami arafasida “O’zbekiston” nashriyoti tomonidan chop etildi. Bu kitobning bosh g’oyasi, asosiy ma’no-mazmuni haqida uning “So’zboshi o’rnida” deb nomlangan kirish qismida atroflicha ma’lumot beriladi.Kitob 304 sahifadan iborat bo’lib, yuqorida zikr etilgan kirish qismidan tashqari “Bizning maqsadimiz – erkin va farovon, demokratik hayot qurish”, “Mustaqillik – tog’dek tayanchimiz, qudratli zaminimizdir”, “Kecha kim edigu bugun kim bo’ldik? Ertaga qanday marralarni egallashimiz kerak?”, “Saylov – demokratiyaning oliy shaklidir”, “Tarix – bamisoli ko’zgu”, “O’zbek modeli” – o’zini oqlagan, yorug’ istiqbolimizni belgilab bergan taraqqiyot yo’li”, “Qishloq taraqqiy topsa, yurtimiz obod, hayotimiz yanada farovon bo’ladi”, “Obodlik ko’ngildan boshlanadi”, “Zamonaviy rahbar doimo olinga intilib yashashi kerak”, “Keksalar – xonadonimizning fayzu farishtasi”, “Ayol baxti – jamiyat baxti”, “Farzandlarimiz bizdan ko’ra kuchli, bilimli, dono va albatta baxtli bo’lishlari shart”, “Xalqimizga tinchlik va omonlik kerak” kabi 13 ta bo’limni o’z ichiga oladi. Muhtaram Prezidentimiz Islom Karimovning “Ona yurtimiz baxtu iqboli va buyuk kelajagi yo’lida xizmat qilish – eng oliy saodatdir” kitobi “nafaqat yangi va yaqin tariximizning hali biz to’la anglab yetmagan ko’plab qirralarini yana bir bor kashf etishga asos bo’ladi, ayni paytda, jamiyatimizning taraqqiyot falsafasini, mamlakatimiz va xalqimiz kelajagi, uning ravnaqini belgilab beradigan muhim dasturilamal bo’lib xizmat qiladi. Shu ma’noda, mazkur kitob xalqimizning kechagi tarixi, bugungi kuni va kelajagiga bevosita daxldor. Kelajak esa har birimizni birdek qiziqtiradi. Shu bois “Kecha kim edigu bugun kim bo’ldik, ertaga kim bo’lishimiz, qanday yangi marralarni egallashimiz kerak?” degan savollarga kitobda bildirilgan fikr-mulohazalar hyech kimni befarq qolrmaydi.Kitobda siz kechagi tuzumda xalqimiz qanday yashagani haqidagi haqqoniy fakt va ma’lumotlarga ega bo’lasiz. Ana shular to’g’risida so’zlar ekan, muallif “...bir vaqtlar, kommunistik mafkura zamonida milliy urf-odatlar, an’analarni rivojlantirish u yoqda tursin, hatto janozaga borish mumkin emas edi. Qarang, qanday og’ir zamon edi!” – deydi Yurtboshimiz kuyunchaklik bilan. Kitobda ta’kidlanganidek: “Mustaqillik biz uchun avvalo o’zligimizni anglash, insoniy qadrimizni, urf-odat va qadriyatlarimizni, muqaddas islom dinimizni, buyuk ajdodlarimiz, aziz-avliyo va allomalarimizning tabarruk nomlari va merosini, g’urur va iftixorimizni tiklash, yosh avlodimizni milliy va umumbashariy qadriyatlar ruhida tarbiyalash kabi beqiyos imkoniyatlar ochib berganini alohida ta’kidlash zarur”.Prezidentimiz qanday yoshlarni “Mening bolalarim!” deydi?Kitobda Yurtboshimiz “O’z hayoti, o’z taqdirini ona O’zbekistonimiz bilan chambarchas bog’lab, kelajak sari katta ishonch bilan intilayotgan bolalar – bu mening bolalarim,” – deya mamlakatimiz yoshlariga cheksiz mehr va yuksak ishonch bildirgan. Bunga javoban esa yoshlarimiz haqiqatan ham Prezident farzandlari ekanliklarini, bildirilgan ishonchni oqlashga munosib harakat qilayotganilarni ta’kidlamoqdalar. Bu bejiz emas.Muhtaram Prezidentimiz biz – yoshlarga yuksak intellektual kapital berdilar. Biz bu salohiyat bilan yuksak ilmiy marralarni albatta, egallaymiz.