Javaда дастурлаш учун зарурий инструментал дастурий воситалар Компютерга jdk(Java Development Kit)ни ўрнатиш

Javaда дастурлаш учун зарурий инструментал дастурий воситалар
Компютерга JDK(Java Development Kit)ни ўрнатиш

Java дастурлаш тилида дастур тузиш учун, дастлаб, компютерга керакли дастурларни ўрнатиш лозим. Биринчидан, Java дастурларни ишга тушириш учун, бизгаJava-машина керак бўлади. Гап шундаки, барча Java дастурлар фақат Java-машина ўрнатилган компютерларда ишлайди. Java-машина Java дастур учун муҳит ҳисобланади. Иккинчидан, Java дастурларни ёзиш учун махсус муҳит(IDE) керак бўлади. Иккала дастурни ҳам oracleнинг сайтидан юклаб олишингиз мумкин. Юклаб олиш учун Oracle сайтига кирамиз ва Java Platform(JDK)ни юклаб оламиз.

JDKни юклаб оладиган ойнага ўтамиз ва лицензияга рози бўламиз(Accept License Agreement). Ундан сўнг компютерингизга мос келадиган JDKни танлаймиз, агар 32 битлик тизим бўлса, "jdk-8u20-windows-i586.exe"ни танлаймиз ва юклашни бошлаймиз.

Юклаб олингандан сўнг, дастурни ишга туширамиз ва берилган саволларга қараб ўрнатамиз(унчалик қийиин иш эмас ва кўп вақт ҳам керак эмас).

Одатда JDK "C:\Program files\Java" адресига ўрнатилади.
Келинг энди, java бажарувчи утилитларини топамиз. Унинг учун қуйидаги папкага кирамиз:
C:\Program files\jdk*\bin\
Бу адресда JDKнинг барча бажарилувчи файллари жойлашган. Биз уларни, операцион тизимга ҳам маълум қилиб қўйишимиз лозим. Операцион тизим буларни билиб олса, бемалол "Командная строка" орқали ҳам ишлатишимиз мумкин бўлади. Буни Windows 7 мисолида кўрсатаман.
Мой компьютер->Свойства, чап томонда "Дополнительные параметры системы" бўлимига кирамиз ва қуйидаги ойнани кўрамиз.

Бу ойнадан "Переменные среды" тугмасини босамиз, ҳосил бўлган ойнанинг "Системные переменные" бўлимидан "PATH" ўзгарувчисини(переменная)қидириб, уни белгилаймиз ва "Изменить" тугмасини босамиз.

Шундан сўнг, "Значение переменной"даги қийматларнинг охирига ўтамиз ва " C:\Program Files\Java\jdk*\bin" адресини киритамиз(* ўрнига ўзингизнинг jdk адресингиз бўлади, яъни мавжуд папка номи). "OK" тугмаларини босиб, бу ойналардан чиқиб кетамиз ва компютерни қайта юклаймиз.