Жас ҳӘм педагогикалық психология өзбекстан республикасы Жоқары ҳәм орта анраўлы билимлендириў ўәзирлиги Жоқары педагогикалық оқыў орынлары ушын оқыў қолланба

Zigota basqıshı (1-2 háptelik)

Birinshi hápteniń sońına kelip, zigota ananıń qan tamırları menen birlesedi, bul hádiyse implantaciya dep ataladı. Implantaciya procesiniń juwmaqlanıwı ushın eki hápte kerek boladı. Sonnan keyin garmonal ózgerisler baslanadı, bul minstruaciya kóriwdiń waqtınsha toqtawına alıp keledi, hayal adamǵa bul belgi onıń hámiledarlıǵınan derek beredi. Zigotanıń aylana ólshemleri 1 mmden azlaw boladı, onıń kletkaları bóliniwdi baslaydı. Hámile denesi bórtpe diski kletkalarınan rawajlanadı, bul basqıshta bórtpe diski zigota orayında jaylasqan kletkalar toplamı kórinisinde boladı. Basqa kletkalar rawajlanıp atırǵan organizmdi qorǵawshı hám azıqlandırıwshı tiykarlı toqımalardı payda etiwi zárúr. Implantaciya hám kletkalardıń ajıralıp payda bolıwı zigota basqıshınıń juwmaqlanıwı belgileri bolıp esaplanadı. Zigota 36 hápte dawamında bórtpeden bala tuwılıwına shekemgi bolǵan joldı basıp ótiwge tayar halǵa keledi.