Jarrohlik stomatologiya bo‘limining tuzilishi

Jarrohlik xonalari

Jarrohlik xonalarda xona harorati sovuq paytda 18—23 °C, issiq paytda 21-25 °C bo‘lishi kerak. Xonalar shamollatuvchi ventilatsiya va atrofida framuga hamda fortochkalar bilan ta’minlangan bo'lishi darkor.

Xonalarni yoritish

Hamma xonalar tabiiy va 2 ta sun’iy yoritish tizimiga ega bo'lishi kerak, bittasi umumiy va ishchi reflektorlar ko‘rinishida. Jarrohlik xonalaridagi mebel och tusdagi nitroemal bo‘yoqlarga bo‘yalgan bo'lishi kerak. Ishchi stollar nitroemal yoki nitrolak bilan bo‘yalgan plastinkali ashyo yoki oyna bilan qoplanishi kerak.

Tozalik

Jarrohlik stomatologiya bo‘limlari (xonalar)da nam tozalash kuniga 2 marotaba o'tkazilishi kerak: ishchi smenalar orasida va ish tugagandan keyin. Bunday tozalashda mebel devorlarning pastki qismi, tokchalar va pol issiq sovunli suv bilan yuvilishi lozim. Xonalami har kuni bakteritsid lampalar bilan nurlash kerak. Haftada bir marta xonalarda umumiy tozalash o‘tkazish lozim. Bakteriologik nazorat xonaning sanitar holatini baholovchi belgi bo‘lishi lozim.

Shtatlar

Shtat normativlari Sog‘liqni Saqlash Vazirligining qonuniga asosan o‘rnatiladi, bunda 10000 aholiga 4 shifokor stomatolog to‘g‘ri keladi. Shulardan jarrohlar soni murojaat etish soniga bog‘liq. 7-12 shtat bo‘lgan poliklinikalarda bo‘Iim mudiri shtatlar sonidan 0,5 stavka tayinlanadi. Agar bo‘limda 12 tadan ko‘proq shtat bo'lsa, bu holda alohida to‘liq bo‘lim mudiri stavkasi ajratiladi. Xonada ishlaydigan jarroh-stomatologlar davolash-profilaktika bo‘limi mudiriga bo‘ysunishadi. Har birjarroh lavozimiga bittadan hamshira va kichik tibbiy xodim tayinlanadi.

Ishlarni tashkillashtirish

Jarrohlik bo‘limi (xona)da ishni tashkillashtirish. Jarrohlik bo‘lim (xona) ishining samaradorligi ko‘p miqdorda kvalifikatsiyali kadrlar bilan ta’minlanishi va ularning ishini samaralashtirishdan iborat. Bitta smenada 2—3 ta shifokor ishlaydigan poliklinikalarda ishchi ro‘yxatni tuzishda, amaliyoti ko‘proq bo‘lgan shifokorga amaliyoti kamroq bo'lgan shifokomi birga qo‘yish maqsadga muvofiq. Poliklinikalarda bemorlar ko'proq keladigan smenada amaliyoti ko‘proq bo'lgan shifokomi qo‘yish kerak.