Jarkinova Tursunoyning "Janni Rodarining hayoti va ijodi"

II. O’tilgan mavzuni so’rash: 
O’qituvchi:
Aziz o’quvchilar, o’tgan darslarimizda Xudoyberdi To’xtaboyevning 
hayoti va ijodi, “Sariq devni minib” asari bilan tanishdik. Uyga vazifa qilib, shu 
mavzuni mukammal mustahkamlab kelish topshirilgan edi. Har bir guruh mavzu 
bo’yicha ma’lumotlarini “Zanjir” usulida aytib o’tadi.
1-guruh: Xudoyberdi To’xtaboyev hayoti va ijodi haqida ma’lumotlarni aytib 
o’tadi. 
2-guruh: Ijodkorning asarlarini sanab beradi. 

---

3-guruh: “Sariq devni minib” asarini, timsollarini tahlil qilib beradi. 
III. Yangi mavzu bayoni: 
O’qituvchi: 
Mana, hurmatli o’quvchilar, o’tilgan mavzu bo’yicha bilimlarimizni 
takrorlab, mustahkamlab oldik. Bugungi darsimizda jahon bolalarining qalbini rom 
etgan adib – Janni Rodari haqida suhbatlashamiz. Undan oldin sizlarga savol 
bermoqchiman: jahon adabiyotida ertaknavis ijodkorlardan kimlarni bilasiz? 
Ikkita o’quvchi savolga javob beradi: 1-o’quvchi: aka-uka Grimmlar, Sharl Perro, 
Hans Kristian Andersen kabi ertaknavis ijodkorlarni bilamiz. 
2-o’quvchi: 5-sinfda Hans Kristian Andersenning “Bulbul” ertagi bilan 
tanishganmiz. (Shundan so’ng monitorda Janni Rodari hayoti haqida taqdimot 
namoyish qilinadi). 
O’qituvchi “Raqamlar tilga kirganda” usuli orqali ijodkorning hayot yo’llari haqida 
ma’lumot beradi. 
Raqamlar tilga kirganda 
1920-yil 23-oktabr – (Janni Rodari) Italiyaning Omenya shaharchasida o’rtahol 
novvoy oilasida dunyoga kelgan. 
17 yoshidan – qishloq maktabida boshlang’ich sinflariga dars bera boshlaydi.
1939-yil – Milan universitetining filologiya fakultetiga o’qishga kiradi. 
1948-yil – “Unita” gazetasiga muxbir bo’lib ishga kiradi. 
1950-yil – Rimda tashkil etilgan “Pionere” bolalar jurnaliga bosh muharrir etib 
tayinlanadi. 
1951-yil – J. Rodarining ilk kitobi “Quvnoq she’rlar” dunyo yuzini ko’radi. So’ng 
“Chippolinoning sarguzashtlari” asarini yaratadi. 
1970-yil – Janni Rodari bolalar adabiyoti rivojiga qo’shgan hissasi uchun Xans 
Kristian Andersen nomidagi xalqaro mukofot sohibi bo’ladi. 
1980-yil 14-aprel uzoq davom etgan hastalikdan so’ng Rim shahrida olamdan 
o’tadi. 

---

Guruh ishtirokchilariga Janni Rodari hayoti va ijodi haqida ma’lumotlarni to’plab, 
qisqacha bayon qilish topshirilgan edi. Har bir guruhdan bir ishtirokchi chiqib 
slayd asosida bajarilgan topshiriqni tushuntirib beradi.