Jamurad yangiboyevich, amirov

 
4.6.Sovliqlarni sog‘ish. 
 
Qo‘zilarni  sovliqlar  bilan  birga  saqlashga  qarab  sog‘ish  muddati  turlicha 
bo‘ladi.  Qorako‘lchilikda  qo‘zilar  1-3  kunligida  so‘yilishi  natijasida  sovliqlar 
3,5-4,5 oygacha sog‘iladi, dastlabki ikki oyda 2 martadan, keyinchalik kuniga 1 

---

 
209 
martadan.  Qolgan  zotga  mansub  sovliqlar  sog‘ilganda  qo‘zilardan  erta  (2-3 
oylikda) ajratilgandan keyin sog‘iladi (sigay zoti). 
Sovliqlarni  sog‘ish  qochirish  mavsumiga  1,5-2  oy  qolganda  to‘xtatiladi. 
Sog‘im  sovliqlarga  eng  yaxshi,  sero‘t  yaylovlar  ajratilishi  shart,  aks  holda 
sovliqlarning  sut  mahsuldorligi  keskin  kamayib  ketadi.  Yaylov  o‘tlari 
yetishmasa kuniga 200-300 g qo‘shimcha yYem berib boriladi. 
Sovliqlar  maxsus  maydonchalarda  sog‘iladi,  ular  katta  yo‘llardan  300  m, 
qo‘yxonalardan  100  m  uzoqlikda  bo‘lishi  kerak.  Sog‘ish  maydonchasi  oldida 
qura  bo‘lib,  unda  har  sovliq  uchun  0,5  m²  maydon  ajratiladi.  Qura  sog‘ish 
maydonchasi tomon torayib borib oxiri sog‘ish xonasiga tutashadi, undan keyin 
sog‘ib bo‘lingan sovliqlar qo‘rasi joylashadi.  
Sog‘ish  stanogi  qo‘yni  tinch  turishini  ta’minlaydi,  u  turli  shakl-shamoilda 
bo‘lishi  mumkin.  Stanok  usti  himoya  ayvoni  bilan  qoplanadi.  Stanok  tagi  pol 
bo‘lib, sog‘uvchi tomonga qiya qilib o‘rnatilgan. 
Sog‘uvchi sog‘ish paytida joylashishiga qarab turli sog‘ish usullari mavjud. 
Ya’ni moldovan usulida  sog‘uvchi sovliqning orqa qismida o‘tirib, yelinni chap 
qo‘li  bilan  ushlab  o‘ng  qo‘li  bilan  sog‘adi.  Yondan  sog‘ish  usuli  qulay  va 
gigiyenik jihatdan yaxshi bo‘lib, mehnat unumdorligi pastroq bo‘ladi. Stanokda 
sog‘uvchi  1  sovliq  uchun  2  minut    sarflaydi,  ochiqda  sog‘sa  bir  necha  barobar 
ko‘p  vaqt  sarflaydi.  Otarda  sog‘ish  2-2  ½  soat  davom  etishi  kerak,  unda  har 
sog‘uvchiga 80-100 bosh sovliq to‘g‘ri keladi.