Jahon tarixi

Mustaqillik  uchun  kurash.  Ayni  paytda  Buyuk  Britaniya 
qirollik  hukumati  mustamlakalardan  olinadigan  daromadni 
yanada  ko‘paytirishga  urindi.  Bu  esa  Buyuk  Britaniya  bilan 
mustamlaka  shtatlar  o ‘rtasidagi  nizoni  tobora  kuchaytira 
boshladi.  1763-yilda qirol mustamlakalardagi yevropaliklarning 
Amerika  g‘arbiga  siljishini  taqiqlovchi  qaror  chiqardi.  Bu 
qaror  mahalliy  hindular  bilan  urush  kelib  chiqishining  oldini 
olishi  kerak  edi.  Mamlakat  g‘arbida  juda  ko‘p  yerlar  bo‘sh 
yotardi.  К о ‘chib  borgan  yevropaliklar  qirol  hukumatining 
taqiqlov  qarorini  o ‘zlarining  haq-huquqlarini  nazar-pisand 
qilmaslik,  deb  qabul  qildilar.
1765-yilda  amerikalik  inglizlar  Buyuk  Britaniyaning  mus- 
tamlakachilik  siyosatiga  qarshi  kurashish  maqsadida  «Ozodlik 
farzandlari»  deb  ataluvchi  tashkilot  tuzdilar.
Bu  tashkilot  Buyuk  Britaniyadan  olib  kelinayotgan  ingliz 
tovarlarini  boykot  qilish  harakatini  boshqarib  turdi.  Bunga 
javoban  Buyuk  Britaniya  hukumati  mustamlakalar savdo  port- 
larini  yopib  qo‘ydi.
Bu  hoi  mustamlaka  shtatlar  iqtisodiy  ahvolining  yomon- 
lashuviga  olib  keldi.