Jahon tarixi

Diniy  urushning  yuz  berishi.  Katolik  cherkovi  protestant­
likning  tarqalishini  dushmanlik  bilan  qarshi  oldi.  1562-yilda 
qirolning  qarindoshi,  katoliklar  rahnamosi  gersog  Fransua 
Giz  o‘zining  ko‘p  sonli  qo‘riqchilari  bilan  ibodat  qilayotgan 
protestantlarga  hujum  qildi.  Oqibatda  20  dan  ortiq  protestant 
o ‘ldirildi,  100  dan  ortig‘i  esa  yarador  qilindi.  Bu  voqea 
Fransiyada  36  yil  davom  etgan  Diniy urushning boshlanishiga 
turtki  bo ‘ldi.  Bu  Diniy  urush  mamlakat  boshiga  katta  kulfat 
keltirdi.  Mamlakatda  yovuzlik, jaholat  kuchaydi.
Gugenotlarga juda katta talafot  yetkazildi.  Shunday bo‘lsa- 
da,  ular  qirolni yon berishga  majbur  qildilar.  Urushning  oldini 
olish  uchun  qirol  Karl  IX  gugenotlar  yetakchisi  Genrix 
Burbonga  o‘z  singlisi  Margaritani  turmushga  berishga  qaror 
qildi.  To‘y  marosimi  1572-yilning  avgustiga  belgilandi.  Biroq 
katolik  mutaassiblari  shu voqeadan foydalanib,  gugenotlarning 
barcha  rahbarlarini  qirib  tashlashni  zimdan  rejalashtirdilar.
1572-yil  24-avgust  kechasi  Parijda  gugenotlar  qirg‘ini 
uyushtirildi.  Natijada  2  mingdan  ortiq gugenot  qurbon bo‘ldi. 
Bu  voqea  xristianlarning  Avliyo  Varfolomeyga  bag‘ishlab 
o ‘tkaziladigan  diniy  bayrami  kuni  arafasida  yuz  berganligi 
sababli  Fransiya  tarixiga  «Varfolomey  tuni»  nomi  bilan  kirdi. 
Shu  voqealardan  keyin  Fransiyada  protestantlik  taqiqlandi.