Jahon siyosiy mafkuralari tarixi tayanch iboralar avangardizm

KONFORMIZM (lot. conformis — o’xshash, muvofiq) — mavjud ijtimoiy tartib, 

hukmron g’oya va fikrlarga moslashish, ularni passiv qabul qilish. Konformistlarning 

o’z  mavqei  bo’lmaydi,  tazyiq  kuchiga  ega  har  qanday  namunaga  printsipsiz, 

notanqidiy, ko’r-ko’rona ergashaveradi. 

LAMAIZM (tibetcha lama so’zidan) — buddizmning asosiy yo’nalishlaridan biri. 

8-a.da Tibetda paydo bo’lgan. Tibet, Ichki Mongoliya (Xitoy)ning alohida joylarida va 

Mongoliyada  hamda  Nepal  va  Hindistonning  ayrim  yerlarida,  Buryatiya, 

Qalmog’iston  va  Tuvada  tarqalgan.  L.  buddizmning  barcha  aqidalarini  qabul  qilgan. 

L.  ta’limotiga  kura,  inson  faqat  lamalar  yordamida  najot  topadi  (gunohlardan 

poklanadi).  L.da lamalarga  va  mahalliy  hokimlarga  so’zsiz  bo’ysunish  asosiy  fazilat 

hisoblanadi.  L.ning  an’anaviy,  qonunlashgan  asosiy  muqaddas  kitoblari  —  Kanjur 

(108  jildli)  va  Tanjur  (225  jildli)da  bayon  etilgan.  L.  bir  qancha  mayda  oqimlarga 

bo’linib ketgan. 

LOBBIZM,  lobbi(ing.  lobby  —  kluarlar,  xos  xonalar)  —  davlat  idoralari, 

qonunchilik, ijroiya, sud hokimiyatlarining mintaqalar iqtisodiyoti ayrim tarmoqlari va 

sohalarini,  korxonalar,  ijtimoiy  guruhlarni  ob’ektiv  zarurat  taqozosi  b-n  emas,  balki 

ma’lum  bir  manfaatlarni  ko’zlab,  ba’zan  mansabdor  shaxslarni  sotib  olish  yo’li  b-n 

qo’llab-quvvatlashga qaratilgan faoliyati. Lobbistlar hokimiyat vakillari qiyofasida o’z 

himoyasidagilarga  katta  foyda  beradigan  davlat  buyurtmalari,  kreditlar,yordamlar, 

imtiyozlar,  litsenziyalar  olishda,  iqtisodiy  va  tijorat  faoliyatida,  yangi  korxonalar 

ochish  va  uni  ro’yxatdan  o’tkazishda,  raqobatchilarni  sindirishda  qulay  sharoitlar 

yaratishda ko’maklashadi. Agrar L. va sanoat L.ga bo’linadi.