4
INSHO YO‘NALISHI
SURXONDARYO VILOYATI
Sariosiyo tumani 68-sonli umumta’lim maktabining 8-sinf
o‘quvchisi
Boboqulova Tamanno
ning
“Jaholatga qarshi ma’rifat”
mavzusida yozgan inshosi
“Jaholatga qarshi ma’rifat”
Reja:
I.
Kirish: G‘oyaga qarshi faqat g‘oya.
II. Asosiy qism:
Jaholat – zulmatga yo‘l;
Ma’rifat – to‘g‘ri yo‘lga boshlovchi kuch;
Diniy ekstremizm va terrorizm oqibatlari;
Ma’naviyatimizga tahdid – o‘zligimiz va kelajagimizga tahdid.
III. Xulosa: jaholatga qarshi kurashaylik!
Ko‘hna ota yurtim, qadim Turonim
O‘z beshik, o‘z tilim, shavkatim, sha’nim
Yetti iqlim ichra tengi topilmas
Tuproqlari oltin O‘zbekistonim.
Mirtemir
Ha, sevimli shoirimiz aytganlaridek, tuproqlari oltin O‘zbekistonda
yashaymiz. Uning toza havosidan nafas olib, ne’matlaridan bahra olamiz.
Uning go‘zalligini ta’riflashga til ojiz. Shoirlarimizning she’rlarida,
bastakorlarimizning kuylarida Vatan madhi yangraydi. Ammo, shu
go‘zallikni ko‘rolmaydigan nopok, manqurt, jaholatli kimsalar mavjud.
Yurtimizning chiroyini ko‘rolmaydigan kimsalarni kim deyish mumkin?
Buni juda yaxshi bilamiz. Ular jaholatli kimsalar. Prezidentimiz Islom
Abdug‘aniyevich Karimov ta’rifi bilan aytganda: “G‘oyaga qarshi g‘oya,
5
fikrga qarshi fikr, jaholatga qarshi ma’rifat bilan bahsga kirishish, olishish
mumkin.”
Xo‘sh, ma’rifat nima-yu, jaholat nima? Jaholat izohli lug‘atimizda
“Ilm, ma’rifatdan mahrumlik, qoloqlik, madaniyatsizlik, nodonlik, zulmat”
deya talqin etilgan. Ulug‘ yozuvchimiz Abdulla Qodiriyning “O‘tgan
kunlar” romanidagi Mirzakarim Qutidorning qizi – Kumushbibiga aytgan
fikri yodimga tushdi: “Jaholat kelsa, aql qochadur, qizim!”
Ma’rifatga har qadamda jaholat to‘siq bo‘lishini hayotiy misollar
orqali ham anglamoqdamiz. Demak, birinchi to‘siq – jaholat. Jaholatga
qarshi esa faqat ma’rifat bilan kurashish lozim.
Ma’rifatga esa izohli lug‘atimizda “Kishilarning ong-bilimini,
ma’daniyatini oshirishga qaratilgan ta’lim-tarbiya”, deyilgan. Demak,
jaholat bilan ma’rifat bir-biriga qarama-qarshi, bir-birini siqib
chiqaradigan tushunchalardir.
Ma’rifat insonni doimo to‘g‘ri yo‘lga boshlaydi. Ma’rifat kimgadir
ko‘z-ko‘z qilinadigan, ortida qandaydir ta’ma yashirin bo‘lgan narsa emas.
Jaholat kabi kuchlarga doim ma’rifat qarshi chiqa oladi. Chunki, ma’rifat-
to‘g‘ri yo‘lga boshlovchi kuch. Ma’rifat - insonni ma’naviy kamolotga
yetkazuvchi uzluksiz ta’lim-tarbiya jarayonidir. Har kim jaholat urug‘ini
qurutishi lozim.
Sovet tuzumida ko‘pgina xalqlarni ma’naviyatga chorlagan
bobolarimiz o‘ldirilgan. Ular yomon ishlari uchun emas, balki jaholatga
qarshi ma’rifat bilan kurashganlari uchun otib o‘ldirilgan. Masalan,
Abdulla Avloniy bobomizning quyidagi fikrlarini keltirish mumkin:
“Tarbiya biz uchun yo hayot-yo mamot, yo najot-yo halokat, yo saodat-yo
falokat masalasidir.” Bu chuqur ma’noli so‘zlarning tagida qanchadan-
qancha ma’no-mazmun yotibdi.
“Mustaqilligimizning dastlabki yillaridanoq mamlakatimizda har
jihatdan yetuk bo‘lgan barkamol shaxsni tarbiyalashga katta e’tibor
berilmoqda va bu yo‘lda yoshlarni turli ma’naviy xurujlardan saqlash,
ularda mafkuraviy imunitetetni kuchaytirish, jaholatga qarshi ma’rifat
bilan kurashish kabi vazifalar ustuvorlik qilmoqda.”
6
Darhaqiqat, dunyoni jaholat egallasa, nafaqat aql, balki aqlni
peshlaydigan ma’rifat, ma’naviyat, hurfikrlik, inson ozodligi barcha-
barchasi barham topadi.
“Bugungi kunda dunyoning turli mintaqa va hududlarida avj
olayotgan qarama-qarshilik, jumladan, yaqin sharqda, Iroq va Suriya
mamlakatlarida bo‘layotgan qonli to‘qnashuvlar, musulmon dunyosidagi
mazhab va oqimlar o‘rtasida kuchayib borayotgan ziddiyatlar, begunoh
odamlarning qurbon bo‘layotgani barchamizni tashvish va xavotirga
solmay qo‘ymaydi.”
Xalqimizning bir kun janjal bo‘lgan joydan qirq kun barokat ketadi,
degan naqlida katta ma’no bor. Mana, qo‘shnimiz Afg‘onistonda
35 yildirki, notinchlik. Urush jafokash Afg‘on xalqi boshiga ne-ne
kulfatlarni solmadi, deysiz. Beqarorlik tufayli mamlakat iqtisodiyoti izdan
chiqdi, yurtdan qut-baraka aridi.
Prezidentimiz Islom Karimov “O‘zbek xalqiga tinchlik va omonlik
kerak” nomli risolalarida ta’kidlaganlaridek, xalqimiz qachon, qayerda
bo‘lmasin, duoga qo‘l ochar ekan, avvalo tinchlik bo‘lsin, omonlik bo‘lsin,
deb niyat qiladi, yaratgandan shuni so‘raydi. Bu ikki so‘z el-yurtimizning
qon-qoniga, yurak-yuragiga, suyak-suyagiga singib, uning uchun hayot
mazmuniga, bebaho qadriyatga aylanib ketgan. Zero, biz tinchlik va
taraqqiyot yo‘lini tanlagan xalqimiz, osoyishta yurtdan xotirjamlik
ketmaydi. Shu bois el-u yurtimizning eng buyuk boyligi bo‘lgan tinchlikni
mustahkamlash, uni doim asrash har birimizning fuqarolik, farzandlik
burchimizdir.
O‘zbek adabiyoti namoyondalari asarlarining ko‘pchiligida jaholatga
qarshi kurash ifodalangan. Abdulla Qahhorning “Bemor” hikoyasi
fikrimizga dalil bo‘la oladi. Hikoyada Sotiboldining xotini bemor-xasta
najotga zorligi tasvirlangan bo‘lsa-da, aslida butun jamiyat bemorligi,
insonlarning ong-u shuurini jaholat qamrab olganligi yaqqol bilinib
turibdi.
Shu kabi asarlardan yana biri Maqsud Shayxzodaning “Mirzo
Ulug‘bek” fojeasi. Unda o‘sha davr jaholatiga qarshi kurash tasvirlangan,
jaholat qoralanib, ma’rifat ulug‘langan.
7
Har qanday ekstremistik va terroristik faoliyatning mohiyati o‘zgalar
ustidan hukmronlikka yoxud mavjud siyosiy-mafkuraviy, ijtimoiy-
iqtisodiy tartibotga qarshi zo‘ravonlik, daxshat solish, jismoniy kuch
ishlatish orqali o‘zgalarning g‘arazli maqsadlariga erishishdan iboratdir.
Shuning uchun ham ekstremizm va terrorizmga butun jahon afkor ommasi,
progressiv kuchlari tomonidan qoralanmoqda. XXI asr boshida insoniyat
taqdiriga, uning taraqqiyotiga, ravnaqiga tahdid solayotgan xalqaro
terrorizmga qarshi qanday kurash olib bormoq lozim?
“O‘zbekiston Respublikasi Toshkent Oliy harbiy texnika bilim
yurtida “Diniy ekstremizm va xalqaro terrorizmning Markaziy Osiyo
mintaqasi xavfsizligiga solayotgan zamonaviy tahdidi, terrorizmga qarshi
kurashishda fuqarolarning ma’naviy va huquqiy madaniyatini yanada
rivojlantirish masalalari” mavzusida respublika harbiy-ilmiy seminari
bo‘lib o‘tdi. Unda diniy tashkilotlar, nufuzli ta’lim muassasalari hamda
huquqni muhofaza qilish organlari xodimlari ishtirok etishdi.”
(Internetning
www.trt.net.ter/uzbek/turk
-dunyosi
2016/04/
O‘zbekistonda-diniy-eksteremizm-va-terrorizmga-qarshi-kurash-yo‘lida
saytidan)
Terrorizm tom ma’noda jaholatdir. Buzg‘unchi g‘oyalarga
asoslangan xalqaro terrorizm va uning har qanday ko‘rinishi kishilik
jamiyatining o‘tmishida ham, bugunida ham butun xalqlar boshiga og‘ir
kulfatlar yog‘dirmoqda. Har yili uning tajovuzidan 100 mingdan ortiq
begunoh kishilar qurbon bo‘lmoqda, jamiyat rivojlanishi ayrim davlatlar,
mintaqalar va insoniyat sivilizatsiyasining taraqqiyotiga jiddiy tahdid
solmoqda va tarqalishi ham ekstremizm va terrorizmning jahon miqyosida
keng ko‘lamda avj olishiga sabab bo‘lmoqda.
Butun dunyo xalqlari diqqat markazida – Iroq va Shom islom davlati
(ISHID) terrorchi tashkiloti vahshiyona harakatlarini hamon davom
ettirmoqda. Birgina 2013 yilda ISHID Iroq hududida 10 mingdan ziyod
terrorchilik harakatlarini sodir etib, xudkush terrorchilar esa 80 ga yaqin
portlashlarni amalga oshirgan. Dunyodagi birorta ulamo bu “davlat”ni tan
olmaydi. 2014-yil sentabr oyida 126 nafar ulamo tashkilot boshchisiga
ochiq xat yozdi. Unda ISHIDchilar amalga oshirayotgan harakatlarni
8
Qur’on va hadisga zid ekani aytilib, insoniylikdan yiroq, manfur
jinoyatlari qoralandi. ISHIDning kelajagi yo‘qligi aniq. Uning faoliyatiga
ertami-indin chek qo‘yiladi. Eng yomoni, urush sababli dunyodan ko‘z
yumgan odamlarni endi hayotga qaytarib bo‘lmaydi. Bu – ISHID faoliyat
olib borayotgan mamlakatlardagi holat.
XX asr boshida Mahmudxo‘ja Behbudiy o‘zining “Padarkush”
asarida bu illatning kelib chiqishini aytib bergan edi: “Bizlarni
xonavayron, bachagiryon, bevatan va bandi qilgan tarbiyasizlik va
jaholatdur...” Jaholat 1999 yil 16 fevral kuni tariximiz sahifasida o‘zining
qonli izlarini qoldirdi. Buyuk shoir bobomiz Alisher Navoiy “Johillikdan
besaodatliroq nima bor?” – degan ekanlar.
Yaqinda
O‘zbekiston
Respublikasi
xalq
artisti
Ozodbek
Nazarbekovning 2015 yildagi konsertidan parcha ko‘rdim. Suriyadagi
urush qurboni bo‘lgan bola o‘limidan so‘ngi so‘zlari butun olamni larzaga
soldi desam xato bo‘lmaydi. Shifokorlar yaralangan bolaning hayotini
saqlashga qancha urunishmasin, barcha harakatlar behuda ketdi. Endigina
uch yoshga kirgan norasida o‘zining o‘lishini sezib, jon taslim qilar
chog‘ida ko‘z yoshlari yuzini yuvib, shunday dedi: “Hammangizning
ustingizdan Ollohga arz qilaman. Hammasini unga aytib beraman.”
Albatta bu so‘zlarni eshitgan odamning nafaqat vujudi larzaga, balki
ko‘zi yoshga to‘ladi. Mingdan-ming bor shukur, shunday jannatmakon,
tinch, osuda, go‘zal yurtda yashayman.
Prezidentimiz “Yuksak ma’naviyat-yengilmas kuch” asarlarida
shunday deganlar: “Ma’naviy tahdid deganda, avvalo, tili, dini, e’tiqodidan
qatiy nazar, har qaysi odamlarning tom ma’nodagi erkin inson bo‘lib
yashashiga qarshi qaratilgan, uning aynan ruhiy dunyosini izdan chiqarish
maqsadini ko‘zda tutadigan mafkuraviy, g‘oyaviy va informatsion
xurujlarni nazarda tutish lozim, deb o‘ylayman.”
Odam qachon tom ma’noda mustaqil bo‘la oladi? Qachonki, qalbi va
ongi, butun vujudi uning o‘ziga tegishli bo‘lsa, u faqat o‘z xohish-
irodasiga tayanib harakat qila olsa. Ma’naviy tahdidlar bizni ana shunday
buyuk imkoniyatlardan, ya’ni bu dunyoda ixtiyori o‘zida bo‘lgan ozod va
hur inson bo‘lib yashash baxtidan judo qilmoqchi bo‘ladi.
9
Xulosa shuki, yurtimizda osoyishtalik hukm surayotgan davrda
dunyoning turli hududlarida keskin qarama-qarshiliklar, to‘s-to‘palonlar
sodir bo‘lmoqda. Bu esa barchamizni doimo hushyor va sergak
bo‘lishimizga da’vat etadi. Demak, yoshlarimizda yovuz xurujlarga qarshi
kuch-immunitet shakillansa, ularda hech qanday tahdid o‘zining zararli
ta’sirini o‘tkaza olmaydi.
Shunday ekan ogoh bo‘laylik!
Zulmat ichra hech bir giyoh unmaydi,
Botqoqlarda hech bir chaman bo‘lmaydi.
Ma’rifatning yo‘lida bo‘l ey do‘stim.
Jaholatli buyuk inson bo‘lmaydi.
10
JIZZAX VILOYATI
Jizzax shahri “Umid” ixtisoslashgan Davlat umumiy o‘rta ta’lim maktab-
internatining 9-sinf o‘quvchisi
Rahmatova Xonzodabegim
ning
“Jaholatga qarshi ma’rifat”
mavzusida yozgan inshosi
“Jaholatga qarshi ma’rifat”
Reja:
Do'stlaringiz bilan baham: |