Jadvaldan tashqari ko’paytirish va bo’lishni o’rgatishning mazmun, shakl va vositalari

Kurs ishi mavzusining o'rganganlik darajasi: Oʻquvchi oʻquv faoliyatini faollashtirish bevosita hamda oʻquvchi faoliyatlarini toʻgʻri tashkil etish va uni boshqarishga bogʻliq. Oʻquvchi oʻquv faoliyatini faollashtirish yoʻllari xilma – xil. Bolaning tafakkuri, ijodiyligi, tanqidiy va mantiqiy fikrlashini rivojlantirishga qaratilgan ta’lim tizimida boshlangʻich sinfni tugatayotgan har bir oʻquvchi shaxsiga bir qancha zamonaviy, shu jumladan, uning muvaffaqiyatli ijtimoiylashuvi nuqtayi nazaridan yangi talablarni qoʻyadi. Binobarin, oʻqitishning maqsadlari, vazifalari, mazmuni, uslublari va usullarini qayta koʻrib chiqqan holda ishlab chiqilgan yangi milliy dasturning qabul qilinishi bu boradagi ishlarning samarasini oshirishda asosiy dasturulamal boʻlib, oʻquvchilarning har tomonlama rivojlanishi, aqliy va ijodiy salohiyatining yanada yuqori boʻlishida xizmat qiladi.


¹ Ozbekiston Respublikasi Prezidenti SH.M.Mirziyoyev 6-sentabr 2022-yilda Professional talim tizimini yanada takomillashtirish chora-tadbirlari togrisida gi PF-5812-sonli Farmoni
Yangi tahrirdagi milliy oʻquv dasturga koʻra nashr qilingan ona tili oʻqish savodxonligi darsligining 1-sinfda joriy qilinishi oʻquvchi va oʻqituvchining faolligini oshirishni, oʻz ustida tinimsiz ishlashni, oʻquv topshiriqlarni ijodiy yondashgan holda bajartirish va bajarishni nazarda tutadi. Bundan koʻzlangan asosiy maqsad xalqaro tadqiqotdan koʻzlangan asosiy maqsadga erishishdir.
Hozirgi kunda xalq ta’limi oldida ta’lim – tarbiya samaradorligini oshirishning turli uslublarini takomillashtirish kabi ulkan vazifalar qoʻyilishi, bu vazifa bevosita boshlangʻich maktabning asosiy vazifasidir. Ta’lim samaradorligini oshirishning turli yoʻllari mavjud.Masalan: ta’limning turli uslublaridan unumli foydalanish, ta’lim mazmunini qayta koʻrib chiqish, davr talabiga mos materiallarni tanlash ta’lim jarayonini tashkil etishning turli shakllaridan maqsadga muvofiq holda oqilona foydalana olish va hokazolar.
Kurs ishi mavzusining maqsadi: Hozirgi davr oʻqituvchi va oʻquvchi oldiga katta talablar qoʻymoqda, bu talablarning eng asosiysi - darsning samaradorligi, uning sifatliligi, oʻquvchilarning bilim va koʻnikmalariga, maktablardagi turli xil oʻquv mashgʻulotlari, ularni tashkil qilinishi va u orqali oʻquvchilarni turli bilim va koʻnikmalarni egallab olishidir. Bugungi kunda taʼlim jarayonini toʻgʻri va samarali tashkil qilishda innovatsion texnologiyalar, texnik vositalarning, jumladan, zamonaviy kompyuterlarning oʻrni beqiyosdir.
Dars mavzusiga oid multimediya, animatsiya, grafika, diafilm va videofilmlardan foydalanish dars jarayonini yanada qiziqarli boʻlishiga koʻmak beradi, buning uchun esa oʻqituvchi oʻz ustida ishlashi va har bir darsga «men bugungi dars jarayoniga qanday yangilik bilan kirib, darsni qiziqarli tashkil qila olaman» deya oʻziga savol berishi yaʼni, anʼanaviy taʼlimdan qochib, noanʼanaviy taʼlim berishga intilishi lozim. Maʼlumki, taʼlim bu oʻqituvchi va oʻquvchilarning hamkorligidagi faoliyat turi boʻlib, dars orqali oʻqituvchi oʻz bilimi, koʻnikma va malakalarini mashgʻulotlar vositasida oʻquvchilarga yetkazadi, oʻquvchilar esa uni oʻzlashtirib olishi natijasida undan foydalanish kompetensiyalariga ega boʻladi.