J izzax politexnika instituti «iqtisodiyot va menejment» kafedrasi «sifat menejmenti» fanidan

Kutilayotgan inflyasiya darajasi – mavjud ijtimoiy-iqtisodiy axborotlar, ma’lumotlar asosida alohida shaxs va korxonalar tomonidan kutiladigan bo‘lg‘usi davrdagi inflyasiya darajasi.

Qo‘shimcha qiymat solig‘i – qo‘shilgan qiymatdan olinadigan soliqlarning bir turi hisoblanadi. Tovarlarning realizatsiyasi, xizmat ko‘rsatish va boshqa ishlarni bajarishdan olinadi. Sotish oborotiga nisbatan mahsulotlarning turlariga ko‘ra foizlarda belgilanadi.

Makroiqtisodiy ko‘rsatkichlar – mamlakat yaxlit iqtisodiyoti darajasidagi ijtimoiy-iqtisodiy jarayon va hodisalarni o‘lchash va baholash imkoniyatini beruvchi ko‘rsatkichlar. Masalan, yalpi ichki mahsulot, milliy daromad, iqtisodiy o‘sish, ishsizlik, inflyasiya darajasi va boshqalar.

Marketing – so‘zi o‘zbek tilida ham tarjimasiz ishlatiladi, u nafaqat falsafa, fikrlash tarzi va iqtisodiy tafakkur yo‘nalishigina emas, balki ayrim firma, kompaniya, tarmoq va butun iqtisodiyot bo‘yicha amaliyot faoliyatini qamrab oladi. AQSH va boshqa xorijiy davlatlar iqtisodiy adabiyotlarida marketingga har xil ta’rif berilgan. Ular orasida eng keng tarqalgani quyidagi mazmundagi ta’rifdir: “Marketing shunday jarayonki – uning yordamida o‘ylangan g‘oya rejalashtiriladi va amalga oshiriladi, narxlar shakllantiriladi, g‘oyalar, tovarlar va xizmatlar ko‘rsatish bo‘yicha harakatlar yo‘lga qo‘yiladi, ayrim shaxslar va tashkilotlarning ehtiyojlari ayirboshlash yordamida qondiriladi”.

Mikrokredit – xususiy tadbirkorlikni rivojlantirish va boshlang‘ich sarmoyani shakllantirishga beriladigan kreditlar. Mikrokreditlar: a) yuridik shaxs maqomiga ega bo‘lmagan tadbirkorlik faoliyati uchun – eng kam ish haqining 50 barobarigacha; b) mikrofirma va dehqon xo‘jaliklariga eng kam ish haqining 100 barobarigacha; v) fermer xo‘jaligiga eng kam ish haqining 200 barobarigacha beriladi.

Modernizatsiya – (grekchadan moderne - yangicha) - ob’ektni takomillashtirish, yaxshilash, yangilash, uni yangi talab va me’yorlarga, texnik shart-sharoitlarga, sifat ko‘rsatkichlariga moslashtirish.