Ызбекистон республикаси олий ва

Фаннинг вазифаси: Юқоридаги мақсадлардан янги тарих фанининг вазифалари келиб чиқади. Янги тарих фанининг вазифалари ривожланган давлатларнинг бозор иқтисодиётига асосланган ҳуқуқий демократик жамият барпо этиш йўлидаги бой тарихий тажрибалари билан ёш авлодни таништириш, уларнинг ҳуқуқий сиёсий дунёқарашини ривожлантириш, миллий ва умуминсоний қадриятларга содиқ ҳолда тарбиялаб ғоявий иммунитетни мустаҳкамлаш.


Фаннинг мазмуни.

Янги тарих фани инсоният тарихий тараққиётига катта ҳисса қўшган капитализм давридаги ривожланган Европа мамлакатлари ва Америка мамлакатлари тарихий тараққиётини ўрганишга ихтисослашган. Бу давр Ғарбий Европа ва Шимолий Америкада фан техника саноат соҳасида илғор ўзгаришларнинг пайдо бўлиши ва бошқаруви конституцион монархия ва республика бошқарувига асосланган, иқтисодиётда индустриал цивилизация асрининг бошланиши билан белгиланади.

Инсоният тарихининг янги даври ва уни ўрганувчи янги тарих фани умуминсоний қадриятлар озодлик, эркинлик, тенглик барча ҳуқуқларнинг рўёбга чиқишига тўсқинлик қилувчи тузумлар инқирозга юз тутиши тарихий қонуният эканлиги ҳақида тегишли хулоса беради.
Кириш
Мамлакатимизнинг жаҳон ҳамжамиятига ҳар томонлама интеграциясини чуқурлаштириш каби долзарб масалани ҳорижий мамлакатларнинг ижтимоий-иқтисодий, сиёсий ва маданий тараққиётини тарихий нуқтаи назардан ўрганмасдан ҳал этиб бўлмайди. Жаҳон тарихини мукаммал даражада билмоқ инсоният цивилизациясининг ютуқларидан ва тажрибасидан тўла баҳраманд қилади, умуминсоний қадриятларни англаб етишга кўмаклашади ва дунё миқёсида мавжуд бўлган муаммоларнинг тарихий илдизларини излаб топишга имконият яратади. Ушбу дастур юқорида кўрсатиб ўтилган долзарб масалани ҳал этишга ёрдам беради


Ўқув фанининг мақсади ва вазифалари
Жаҳон тарихи бўйича чуқур билимларга эга бўлиш талабаларнинг дунёқарашини кенгайтириш йўлидаги энг самарали восита сифатида аҳамиятлидир. Қолаверса, мамлакатимиз ҳамкорлик қилаётган давлатларнинг ривожланиш даражасини, халқларнинг менталитети, урф-одатларини, маданиятини тушуниб етиш учун ҳам жаҳон тарихи фанининг беқиёс аҳамиятини тан олиш керак.
Дунё халқларининг ижтимоий-иқтисодий, сиёсий, маданий ва этник эволюциясининг асосий босқичлари, ҳамда йўналишлари ҳақида талабаларга ҳар томонлама билимлар бериш.