Ызбекистон республикаси олий ва ырта махсус таълим вазирлиги

Tuproq resurslari – biologik resurslar bo’lib, ularning hosil bo’lishi halok bo’lgan organik massaning qayta ishlanishi bilan va yashash muhiti – litosfyeraning yuqori yumshoq qobig’i bilan bog’liqdir. Shuning uchun ular tirik organizmlarning to’plangan zahiralari, biologik modda aylanib yurishi hajmi, tuproqning yillik organik qismi yoki gumus ko’rinishidagi mahsulotlar va chiqindilar bilan ajralib turadi.

Foydali qazilma konlari kadastri – har bir konning asosiy va birgalikda yotgan foydali qazilmalari sifati va miqdorini ta’riflaydigan, ularda mavjud komponetlarni, konni o’zlashtirish sharoitlari, konning geologik-iqtisodiy baholanishi to’g’risida, shuningdek, foydali qazilmalarning aniqlangan paydo bo’lishi to’g’risidagi ma’lumotlar to’plamidir;

Chiqindilar keng ma’noda insoniyatning xo’jalik yuritish, enyergiya olish oqibatida, yashashi va faoliyati jarayonida atrof-muhitga tashlab yuboradigan barcha narsalardir. Bularga atrof-muhitga tashlanadigan maishiy axlat, sanoat va qishloq xo’jaligi chiqindilari, neft oqavalari, og’ir metallar va zaharli moddalar, atom elektrostantsiyalari chiqindilari va boshqalar kiradi. Bular qattiq chiqindilar, suspenziya (biror moddaning boshqa suyuq modda ichida zarra yoki tomchi holida suzib yuradigan yeritmasi), shlamlar (tog’ jinslarini maydalaganda, burg’ulashda hosil bo’ladigan kukunsimon mahsulot), oqava suvlar, gazsimon chiqitlar va boshqalar bo’lib, ularning tarkibida zararli moddalari bor bo’lgan turlari, ayniqsa, ekologik xavflidir.