Ызбекистон республикаси олий ва ырта махсус таълим вазирлиги

5.3. Yer resurslaridan foydalanish va uni takomillashtirish. Yer insonning bebaho boyligi, yer o’simliklar dunyosi bilan birgalikda insonni oziq-ovqat bilan ta’minlaydi, kiyintiradi, qurilish matyeriallari va tibbiy ashyolar bilan ta’minlaydi va b. Shuning uchun ona-yerni muhofaza qilish har bir kishining muqaddas burchidir. Yer kurrasining quruqlik maydoni (muzliklarni ham qo’shib hisoblaganda) 15 mlrd.. ga. ga teng, shundan muzliklar maydoni 1,7 mlrd.. ga., yaylovlar maydoni 3 mlrd.. ga, haydalgan yerlar maydoni 1,5 mlrd.. ga. teng, qariyb 400mln.. ga. yer sug’oriladigan dehqonchilik bilan band. Lekin yer resurslari turli sabablarga ko’ra muomaladan ( har yili qariyb 15 mln.. ga.) chiqib boradi, chunonchi, sanoat ob’ektlari va shaharlar qurilishi uchun taxminan 8 mln..ga., yeroziya natijasida 3 mln.. ga., inson tomonidan zaharlanish natijasida 2 mln.. ga. yer, suv bosishi, sho’rlanish tufayli esa 2 mln.. ga. atrofida yerlar ishlab chiqarish muomalasidan chiqib bormoqda. Butun tsivilizatsiya davrida insoniyat turli sabablarga ko’ra (yeroziya, sho’rlanish, shaharlar ostida yo’llar qurilishi, suv omborlari va boshqalar) jami bo’lib taxminan 2,5-3 mlrd.. ga. yer maydonidan ajraldi.