Ызбекистон республикаси маданият ва спорт ишлари вазирлиги

2.5. Математик-статистика услублари

Тадқиқотлар натижалари статистик ишлаб чиқилди. Унда гуруҳларнинг статистик кўрсаткичлари (ўртача арифметик, квадрат) ҳисобланди шунингдек, статистик фаразлар (студент t–мезон бўйича), ўрта арифметик қиймат текширилди.

III. БОБ. ПЕДАГОГИК ТАЖРИБАНИНГ САМАРАДОРЛИГИ ВА УЛАРНИНГ МУХОКАМАСИ
3.1.Кросс югурувчиларни мусобақаларга тайёрлаш ва уни ўтказиш шартлари ва талаблари

Енгил атлетика мусобакалари қоидаси маълум ёш гуруҳларига мос келган турли масофаларда мусобақалашиш имконини беради. Бироқ, қатнашувчиларнинг ёши ва жинсини хисобга олган ҳолда, уларга спорт разрядини бажариш хуқуқини берадиган масофаларда кросс югуриш мусобақаларини ўтказиш мақсадга мувофиқдир.

Кросс мусобақаларига тайёргарлик енгил атлетика буйича жадвал режасини тузишдан бошланади. Бир йилга ёки бир неча йилга тузиладиган бу режада мусобақаларнинг номи ва хусусияти, ўтказиш муддати ва жойи, шунингдек катнашадиган ташкилотлар курсатилади. Жадвал режаси тузилганда албатта мамлактимизда утказиладиган асосий мусобақалар хисобга олинади. Режада турли ёш гуруҳларга белгиланган оммавий спорт тадбирлари уз ифодасини топиши керак.
Маданият ва спорт ишлари томонидан ишлаб чикилган оммавий спорт тадбирларини ўтказиш тақвим режаси дастлабки хужжат бўлиб, унинг асосида мамлакатимизнинг барча жисмоний тарбия ташкилотлари уз шахсий шароитларини, имкониятларини хисобга олган ҳолда уз режаларини тузадилар.
Мусобакларга тайёргарлик кўришнинг мухим ташкилий поганаси-мусобақа Низомини тузишдир. Бу хужжатни мусобақа утказувчи ташкилот (Енгил атлетика федерацияси ёки Енгил атлетика буйича БУСМ) тузади. Мусобақа Низоми маълум бандлардан иборат бўлиб, қуйидаги мазмунда тузилади:

I.МУСОБАҚАЛАРНИНГ МАҚСАДИ ВА ВАЗИФАЛАРИ

Муайян мусобақанинг номи ва вазифалари курсатилади: а) кросс югуришни оммалаштириш;б) югуришнинг бу турини таргибот этиш; в) югуриш машгулотларига укувчи-ёшларни оммавий жалб этиш; г) жисмоний тарбия жамоасида оммавий жисмоний тарбия ва спортни ривожланганлик даражасини аниқлаш; д) маълум давр ичидаги килинган ишларга якун ясаш; е) ташкилот, идоралар, жамоалар ва хаказолар орасида дустона спорт муносабатларини тиклаш, ривожалантириш ва мустахкамлаш; ж) спорт махоратини ошириш энг яхши спорт натижаларини аниқлаш(шахсий мусобақалар).