Ызбекистон Республикаси Бош прокуратураси

Айбловни тугатиш тўғрисида
Қ А Р О Р

____ йил _______ _______________

(кун, ой) (ҳудуд)
Миробод туман прокуратураси терговчиси, 1-даражали юрист Б.Бекжонов, иш юритувимдаги 15/1234-сонли жиноят иши бўйича тўпланган материаллар билан танишиб, қуйидагиларни


А Н И Қ Л А Д И М:

Дастлабки тергов ҳужжатларига кўра, 17.02.2018 йил соат 20⁴⁵ларда номаълум шахс маст ҳолда, жамоат жойи ҳисобланган “Миробод деҳқон бозори”да жамиятда юриш-туриш қоидаларини қасддан менсимасдан, атрофдагиларга ҳурматсизлик билдириб, безорилик оқибатида фуқаролар М.Маматов, М.Камбаров

ва Ш.Мажидовлар билан жанжаллашиб, уларни уриб-дўппослаб, енгил тан жароҳатлари етказганида, уни тартибга чақирган фуқаро П.Махмудовнинг бошига оғирлиги 5 кг. бўлган ўлчов тоши билан уриб, қасддан ўлдирган.
Ушбу ҳолат юзасидан 17.02.2018 йилда туман прокуратураси томонидан Ўзбекистон Республикаси ЖКнинг 97-моддаси 2-қисми “л” банди ва 277-моддаси 1-қисми билан жиноят иши қўзғатилган.
Жиноят иши бўйича олиб борилган тергов-тезкор ҳаракатлари
ва гувоҳларнинг кўрсатмаларига кўра, 01.01.1979 йил Тошкент шаҳрида туғилган, Миробод туман, Нафосат кўчаси, 156-уйда яшовчи Д.Махкамов 20.02.2018 йилда ЖКнинг 97-моддаси 2-қисми “л” банди ва 277-моддаси 1-қисми билан айбланувчи тариқасида ишда иштирок этиш учун жалб қилиниб, унга нисбатан қамоққа олиш тарзидаги эҳтиёт чораси қўлланилган.
25.02.2018 йилги суд-билогик ва дактилоскопия экспертизасининг
20-сонли хулосасида ҳодиса жойидан топилган қон доғлари ва бармоқ излари Д.Махкамовга эмас, балки Миробод туман, Наврўз кўчаси, 16-уйда яшовчи В.Алиевга тегишли эканлиги кўрсатилган.
Бундан ташқари, В.Алиев тергов органига келиб, П.Махмудовни қасддан уриб, ўлдирганлиги ҳамда ҳодиса жойидан яширинганлиги тўғрисида айбини бўйнига олиш ҳақидаги арз билан мурожаат қилган.
Бинобарин, Ўзбекистон Республикаси ЖПКнинг 36 ва 362-моддаси 2-қисмини қўллаб,


Қ А Р О Р Қ И Л Д И М:

1. Мазкур 15/1234-сонли жиноят иши бўйича Д.Махкамовга 20.02.2018 йилда ЖКнинг 97-моддаси 2-қисми “л” банди ва 277-моддаси 1-қисми билан эълон қилинган айблов тугатилсин.

2. Қарор Д.Махкамовга эълон қилиниб, унга нисбатан айблов тугатилганлиги сабабли, кўрган зиёнларини ундириб олиш ҳуқуқига эга эканлиги тушунтирилсин.
3. Қарорнинг нусхаси маълумот учун шаҳар прокурорига тақдим қилинсин.