Iv semestr 1-mavzu: O‘qish darslarining tarbiyalovchi imkoniyatlari. O`qish malakasi haqida tushuncha Reja

3. Kutubxona va kitobxonlik kundaligining sinfdan tashqari o’qish darslaridagi ahamiyati.

Sinfdan tashqari o’qish darslarida kutubxonaga a’zo bo’lish hamda kitobxonlik kundaligidan foydalanish o’quvchilarni haqiqiy kitobxon bo’lib yetishishida alohida ahamiyat kasb etadi. O’quvchilar kutubxonadan doimiy foydalanish orqali ular badiiy, ilmiy, siyosiy adabiyot namunalaridan bahramand bo’ladilar. Kutubxonaga yozilishda I sinf o’quvchilari o’qish malakalarini egallashlariga qarab o’qituvchining ruxsati bilan kutubxonaga yoziladilar. O’quv yilining ikkinchi yarmidan boshlab barcha o’quvchilar kutubxonaga a’zo bo’lishlari mumkin. O’qituvchilar oyda bir-ikki marta o’quvchilar kartotekasini tekshirib,kutubxonachi bilan suhbatlashadi. Bundan tashqari maktablarda kitobxonlik kundaligidan ham foydalaniladi. O’quv yili oxirida I sinf o’quvchilari kundalikka kitob nomi va muallif familyasini yozadilar; II sinfda unga nashr etilgan joyi va vaqti,kitobni o’qigan vaqti; III sinfda o’qigan kitobga taqriz yozish yoki uning mazmuni haqida qisqa mulohaza yozish qo’shiladi.

II sinfdan boshlab kitobxonlik ishlarini tashkil etishga o’quvchilarning o’zlari ham jalb etiladi. Bunday topshiriqlarga sinf kutubxonasini tashkil etish va boyitish, ommaviy ishlarni tayyorlashda qatnashish,sinf jamoasiga o’zaro yordam va bajarilgan ishlarni o’zaro tekshirish, ko’rgazmalar tayyorlash,kutubxonada kitoblarni yamashda qatnashish kabilar kiradi.Bolalar kitobga to’g’ri munosabatda bo’lish, uni ehtiyotlab saqlashga o’rgatish maktabning muhim vazifasidir.