It’s better to have your nose in a book, than in someone else’s business

Bunyod bo` lganidan buyon ne-ne hodisotlarni boshdan kechirgan hazrati Inson, ayni paytda, yana bir sinovga ro`para bo`ldi. Bu sinov muayyan hududda muallaq qolmay, sayyoramizning olis burchaklarigacha yetib bordi. Bu orqali yaratiqlararo oliy hisoblaganimiz , biz odamlar aslida naqadar ojiz ekanligimizni anglab yetdik.
Dastavval ijtimoiy tarmoqlarda isiriq sarkazmlarini tarqatib yurgan “vallomatlar” ham bugun o`z yurtiga-da qadam ranjida qilgan pandemiya oldida dovdirab qoldilar. Har xil xabarlar tarqatib, asossiz faktlari bilan haqiqatni da’vo qiluvchi, virusning kelib chiqishini bahs qiluvchilarga tib olimi Ibn Sinoning o`gitini eslatmoq kerak: “Kasallikning sababini aniqlashdan ko`ra uning oldini olmoq lozimdir”.
Har kuni bot-bot eslatiluvchi gigena va karantin qoidalarini ham e’tiborsiz qoldiruvchilar o`zlarini dunyoga ustun deb bilarmikan? Yoki o`qigan kitobini tavsiya qilib chiqqanlarni “ularga virus yuqmasmish”, deya sarkazm qiluvchilarga “o`zingiz eplolmagan ishni tanqid qilish sizni maqoldagi mushukka o`xshatib qo`yyapti”, deging keladi. Bu turkum shaxslarga Gustav Lebonning “Психологии народи и масс” asarini tavsiya qilgan bo`lardik. Unda aytiladiki: “Ommani, xoh u o`rta qatlam, xoh ziyolilardan iborat bo`lsin, hissiyot boshqaradi. Odamlar orasidagi quvonch ham, qo`rquv ham o`ta yuqumlidir. Ommani aniq hisob-kitob, turli formulalar, faktlar emas, balki hissiyotlar to`lqinlantiradi ham, tinchlantiradi ham”. Shu tufayli ayni vaziyatda mutolaaga da’vat qiluvchi turli tavsiyalar, ruhlantiruvchi roliklar omma kayfiyatini mo`tadillashtirishga xizmat qiladi.
Avvallari “kitob o`qishga, til o`rganishga vaqtim yo`q” deguvchilar, bularning bir bahona ekanligi, aslida dangasa ekanligingiz ayon bo`ldimi? Ijtimoiy tarmoqlarda o`zi tushunib yetmagan siyosatni askiya qiluvchilar, boshqalarni qo`ya turib, o`z irodangizga hokim bo`larsiz, diqqatni chalg`itmasdan , hech bo`lmasa, bitta kitob o`qirsiz balki?
It’s better to have your nose in a book, than in someone else’s business.
© Adam Atenlay.