Иқтисодий ва туризм географияси фан дастури

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвийлиги

«Иқтисодий ва туризм географияси» фани умумкасбий фани ҳисобланиб, II-семестрида ўқитилади. Дастурни амалга ошириш ўқув режасида режалаштирилган гуманитар ва ижтимоий-иқтисодий фанлар (Ўзбекистон тарихи, иқтисодий назария ва ҳ.к.), математик ва табиий - илмий фанларидан (математика, ахборот технологиялари) етарли билим ва кўникмаларга эга бўлишлик талаб этилади.

Фаннинг илм-фан, иқтисодиёт ва ишлаб чиқаришдаги ўрни

«Иқтисодий ва туризм географияси» фанининг республикамизга ҳар томонлама етук, жаҳон талабларига жавоб бера оладиган иқтисодчиларни, айниқса туризм ва сервис билан боғлиқ йўналишдаги мутахассисларни тайёрлашда ўрни каттадир. Унинг ўрганиш объекти кенг ва улкан миқёсга эга бўлиб, кичик бир ҳудуд ёки мамлакатдан тортиб, жаҳон бўйлаб хўжалик тармоқларини жойланиш хусусиятларини тадқиқ этади.

Фанни ўқитишда замонавий ахборот ва

педагогик технологиялар ҳамда ўқув машғулотларини лойиҳалаш
Талабаларнинг «Иқтисодий ва туризм географияси» фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни тадбиқ қилиш муҳим ахамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, электрон материаллар, виртуал стендлардан фойдаланилади. Маъруза ва амалий дарсларида мос равишдаги илғор педагогик технологиялардан фойдаланилади.
Фаннинг ўқув машғулотлари фан ўқитувчиси томонидан педагогик ва модулли технология тамойиллари асосида лойиҳалари ишлаб чиқилади.

Фан модулининг дастури (module syllbus)