Иқтисодий таҳлил ва аудит

Фан бўйича талабаларнинг билим, кўникма ва
малакаларига қўйиладиган талаблар

«Иқтисодий таҳлил ва аудит» фанини ўзлаштириш жараёнида амалга ошириладиган масалалар доирасида бакалавр:

– хўжалик юритувчи субъект молиявий-хўжалик фаолиятини таҳлил қилиш ва аудитдан ўтказишнинг назарий ва услубий асосларини; молиявий ҳисоботни таҳлил қилиш усулларини; аудиторлик текширувлари самарадорлигини ошириш ва такомиллаштириш услубиётларини; миллий ва халқаро аудит стандартлари талабларини, молиявий натижаларнишаклланиши ва мижозларга аудиторлик хизмат кўрсатиш стратегияси; усул ва йўлларини билиши керак
– таҳлил жараёнида керак бўладиган манбалар ҳажмини аниқлаш, тўплаш, уларни тўғрилигини текшириш, қайта ишлаш ва таҳлилга мослаштириш, таҳлил натижаларини умумлаштириш ва расмийлаштириш, таҳлил натижасига хулоса бериш, аудиторлик текширувларни режалаштириш, аудиторлик танлови, аудиторлик далилларини тўплаш, аудиторлик хулоса ва ҳисоботларини тайёрлаш кўникмаларига эга бўлиши керак;
– талабаи шлаб чиқаришни иқтисодий самарадорликкўрсаткичлари ўзгаришига таъсир қилувчи омилларни таҳлил қилиш ва якунига баҳо бериш, корхонанинг молиявий ҳолатини ифодаловчи кўрсаткичларни аниқлаш; кўрсаткичларни ўзгаришига таъсир қилувчи омилларнитаҳлил қилиш ва фойдаланилмаган резервларни аниқлашдақўлланиладиган усулларни билиш; корхона фаолиятида рўй берган иқтисодий вазиятни баҳолашмалакаларига эга бўлиши керак.


Фаннинг ўқув режадаги бошқа фанлар билан ўзаро боғлиқлиги ва
услубий жиҳатдан узвий кетма-кетлиги
«Иқтисодий таҳлил ва аудит» фани ижтимоий соҳа, иқтисод ва ҳуқуқ фанлар мажмуасига тааллуқли бўлиб, талабалар уни IV семестрларда ўрганишади.
«Иқтисодий таҳлил ва аудит» фани ўқув дастуридаги қуйидаги фанлар билан узвий боғлиқдир: “Микроиқтисодиёт”, “Молиявий ва бошқарув ҳисоби”, “Статистика”, “Менежмент” ва бошқа фанлар.


Фаннинг ишлаб чиқаришдаги ўрни
Иқтисодиётни модернизациялаш шароитида иқтисодиёт субъектларининг молиявий-хўжалик фаолиятини тўғри бошқариш, уларнинг маҳсулот (иш, хизмат)лар ишлаб чиқариш ва сотиш ҳажмини белгилаш, меҳнат ресурслари билан таъминланганлиги ва улардан самарали фойдаланиш кўрсаткичларини аниқлаш, ишлаб чиқариш ва давр харажатларини камайтириш йўлларини ишлаб чиқиш бевосита улар фаолиятини таҳлил қилиш орқали амалга оширилади. Шунингдек, иқтисодиёт субъектлари фаолиятидан манфаатдор томонлар уларнинг тўловга лаёқатлилиги, молиявий барқарорлиги, маблағлар айланувчанлиги, рентабеллик кўрсаткичлари, дебиторлик ва кредиторлик қарзлари ҳолатидаги ўзгаришларни баҳолаш орқали зарурий қарорлар қабўл қилади.