Иқтисодий таҳлил ва аудит

Фанни ўқитишдаги замонавий ахборот ва педагогик технологиялар
Талабаларнинг “Иқтисодий таҳлил ва аудит” фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни татбиқ қилиш муҳим аҳамиятга эгадир. Фанни ўзлаштиришда дарслик, ўқув-услубий қўлланма ҳамда мажмуалар, маъруза матнлари, тарқатма ва электрон материаллар, виртуал стендлар ва макетлардан,шунингдек, “инсерт”, “блиц-сўров”, “кластер”, “ақлий ҳужум” каби усуллардан кенг фойдаланилади. Маъруза, амалий ва лаборатория дарсларида мос равишда илғор педагогик ва ахборот технологияларидан фойдаланилади.

АСОСИЙ ҚИСМ

Фан бўйича маъруза мавзулари ва уларнинг мазмуни
1-модул. Иқтисодий таҳлилнинг предмети, вазифалари ва мазмуни
Корхоналар молиявий-хўжалик фаолиятини таҳлили хўжалик юритувчи субъектлар фаолиятинияхшилашда ва уларни самарадорлигини оширишда муҳим шартлардан бири бўлиб ҳисобланади. У хўжалик юритувчи субъектларни молиявий ресурслардан оқилона фойдаланиш даражасини, фойдаланилмаган ишлаб чиқариш резервларини аниқлашда, хўжалик юритувчи субъектларни келгусида молиявийҳолатини янада яхшилаш бўйича таклифлар ишлаб чиқиш имконини яратади. Аудиторлик ташкилотлари олдига хўжалик юритувчи субъектлар молия-хўжалик, шунингдек ишлаб чиқариш фаолиятининг самарадорлигини ошириш, хусусий ва хорижий инвестицияларни кенг жалб қилиш, субъектлар ўртасида ҳисоб-китобларни йўлга қўйиш ҳамда дебиторлик ва кредиторлик қарзларини камайтириш, бюджет билан солиқ ва бошқа тўловлар бўйича ҳисоблашишларни ўз вақтида амалга ошириш юзасидан маслаҳатлар бериш ва бошқа малакали хизматлар кўрсатиш масаласини долзарб қилиб қўяди.


2- модул. Иқтисодий таҳлилнинг методи ва унда қўлланиладиган
анъанавий усуллар
Иқтисодий таҳлил методи таърифи ва унинг хусусиятларига атрофлича системали ёндошиш, иқтисодий, социал ва экологик муаммоларни биргаликда қўшиб ўрганишлик таҳлил методининг асосий тамойиллари. Диалектик ёндашиш, иқтисодий кўрсаткичлар тизимидан фойдаланиб, таъсир этувчи омилларни аниқлаш ва ҳар бирини таъсир доирасини кўрсатиш -иқтисодий таҳлил услубиятини муҳим хусусиятидир. Иқтисодий таҳлилнинг махсус усуллари ва уларни тавсифлаш. Таққослаш усули ваунинг қўлланиши. Таққослама (ички хўжалик, хўжаликлараро) таҳлил корхоналардаги мавжуд ишлаб чиқариш резервларини аниқлаш усули.Хўжалик омилларини турли хусусиятларига қараб гуруҳлаш усули.