“ИҚтисодий хавфсизлик” кафедраси «Иқтисодий хавфсизлик» фанидан

2. “Иқтисодий хавфсизлик” фанининг предмети, объекти ва мақсади.
“Иқтисодий хавфсизлик” фанининг предмети
бир томондан иқтисодий тизимнинг объектив ҳимояланиш хусусиятлари, унга хавф соладиган куч ва омилларга қарши туриш механизмини, иккинчи томондан, давлатнинг ҳимоячи сифатидаги функциялари, шу мақсадда ташкил этиладиган институтларни қамраб олади.
“Иқтисодий хавфсизлик” фанининг объекти
мамлакат иқтисодиёти ва унда амалга ошадиган жараёнлар:
табиий бойликлар;
инсон ресурслари, меҳнатга лаёқатли аҳоли;
кўчмас мулк;
хўжалик тизимлари;
минтақалар;
оила;
“Иқтисодий хавфсизлик” фанининг мақсади - давлат, жамият ва шахснинг муҳим хаётий манфаатларини тан олган ҳолда мамлакат иқтисодий хавфсизлигини таъминлашнинг устувор йўналишлари бўйича назарий ва амалий билимлар бериш.
“Иқтисодий хавфсизлик” фанининг вазифалари:

• миллий хавфсизлик асослари ва устуворликларини тушунтириш;
• иқтисодий хавфсизликни таъминлашнинг асосий йўналишлари ва йўлларини кўрсатиб бериш.

Тараққиётнинг ҳозирги босқичида мамлакатларнинг иқтисодий хавфсизлиги муҳим аҳамият касб этади. Негаки, иқтисодиётнинг хавфсизлиги ҳолати турли ижтимоий-иқтисодий қарорлар қабул қилишда асос бўлиб хизмат қилади.
Иқтисодий тизимдаги ҳар қандай ўзгаришлар турли хавф-хатар ва таҳдидларнинг намоён бўлиши билан бирга кечади. Шунинг учун ҳам мамлакат иқтисодий хавфсизлигини таъминлаш, унга бўладиган турли таҳдидларнинг олдини олиш масаласи юзага келади. Бундай шароитда “Иқтисодий хавфсизлик” фанини ўрганишнинг аҳамияти янада ошади.
3. Миллий хавфсизлик ва унинг таркиби
Миллий хавфсизлик фуқаролар, яъни шахс, жамият ва давлат манфаатларини ҳимоя қилишга йўналтирилган бўлади. Шахс, фуқаро манфаатлари ўз ичига уларнинг конституцион ҳуқуқ ва эркинликлари, яшаш хавфсизлигини таъминлаш, турмуш даражаси ва сифатини ошириш, жисмоний, маънавий, интеллектуал ривожланишини олади.
Шу боисдан ҳар қандай мамлакат манфаатлари учта муҳим мақсадга йўналтирилган бўлади:
1) халқ фаровонлигини ошириш.
2) мамлакат ҳаёт фаолияти ва ҳудудини ҳимоя қилиш ҳамда обод этиш.
3) миллий маданиятни ривожлантириш.
МИЛЛИЙ ХAВФСИЗЛИК
Сиёсий хaвфсизлик
Экологик хaвфсизлик
Ғоявий хaвфсизлик
Aхборот хaвфсизлиги
Ҳaрбий хaвфсизлик
Иқтисодий хaвфсизлик